Shyǵys Qazaqstan oblysy boıynsha Qylmystyq atqarý júıesi Departamenti OV-156/1 mekemesi qyzmetkerleri koronovırýstan zardap shekken azamattarǵa kómek kórsetý úshin Qan ortalyǵyna baryp qan tapsyrdy.
Halyqaralyq zertteýlerge sensek, bir ret qan ótkizseńiz, orta eseppen úsh adamǵa kómek kórsetedi ekensiz. Sondaı-aq, mamandardyń pikirinshe, udaıy qan ótkizip júrgen adam óz ómirin 5-7 jylǵa uzartady.
– Donor bolý, elimizdegi ár azamattyń paryzy dep bilemiz. Mekemeniń qyzmetkerleri tyǵyz jumys ýaqytyna qaramastan, qan qajet etip jatqan naýqastarǵa kómekteskileri keldi, – deıdi tergeý ızolıatory bastyǵynyń kezekshi kómekshisi, ádilet aǵa leıtenanty Aslan Raqyshev.