Jóni bólek saılaý

Shyǵys Qazaqstan oblystyq saılaý komıssııasynyń tó­raǵasy Ersaıyn Nábıev tań­ǵy saǵat 7.00-de aýmaqtyq saılaý komıs­sııalarynyń derekterine sáıkes aýdandyq mańyzy bar bir qalada, alty kentte, 70 aýyldyq okrýgte daýys berý bastalǵanyn aıtyp ótti. О́ńirde saılaý kezinde 221 saılaý ýchas­kesi jumys istedi.

– Táýelsizdik alǵaly tuńǵysh okrýg saılaýy bolǵandyqtan, halyq belsene qatysty. Saı­laý­shylardyń saılaý ýchas­ke­lerine kelýi týraly qosymsha aqparat 10.00, 12.00, 14.00, 16.00, 18.00 jáne 20.00-de ob­lys­­­­­tyń aýmaqtyq saılaý komıs­sııa­larynyń ınternettegi resmı paraqshalarynda usynylyp otyrdy, – dedi oblystyq saılaý komıssııasynyń tóraǵasy Ersaıyn Nábıev.

Úmitkerlerdiń kóbi Úrjar aýdanynyń Maqanshy aýyldyq okrýginde, Katonqaraǵaı aýdany­nyń Belqaraǵaıy, Glýbokoe aýdanynyń Ýshanov aýyl­dyq okrýginde tirkelgen eken. Atalǵan okrýgterde tórt adamnan, odan ózge 72 saılaý okrý­ginde  úsh adamnan, qalǵan 2 saı­laý okrýginde 2 kandıdattan saı­laýǵa tústi. Úmitkerlerdiń eń jasy – 26-da, ol Altaı aýdanynyń Turǵysyn aýyldyq okrýgin basqarýǵa úmitti. 

– О́z ákimderin jurt ózi saılap jatyr. Ras, halyq kim qalaı jumys isteıtinin biledi. Bilgen soń da durys tańdaý jasaıdy. Ádil saılaý ótti dep oılaımyn. О́zim Úrjar aýylynyń bolashaǵy úshin daýys berdim, – deıdi «100 jańa esim» jobasynyń jeńimpazy Serikjan Qajytaı.

Saılaý ýchaskelerinde qo­ǵam­dyq tártipti qamtamasyz etý úshin oblystyq Polısııa depar­tamentiniń qyzmetkerleri kúsheı­tilgen rejimge kósh­ti. Ákimshilik polısııa basqarma­synyń bastyǵy Ernar Bazarov­tyń aıtýynsha, árbir saılaý ýchaskesinde kezek­shilikti qamta­masyz etý úshin 800-den astam polısııa qyzmetkeri jumyldyrylǵan. Alaıda saılaý ýchaskelerinde qo­ǵam­dyq tártipti buzý faktileri tirkel­gen joq. Sa­nı­tarlyq talaptar da qatań saqtaldy.

Shyǵys Qazaqstan oblysy