Aqtaýda mefedron satqan áıel ustaldy. Bul týraly Mańǵystaý oblystyq polısııa departamentiniń baspasóz qyzmeti habarlady, dep jazady Egemen.kz.
Aqtaýda jedel-izdestirý sharalary barysynda polısııa esirtki satý faktisi boıynsha Aqtóbe qalasynyń turǵynyn ustady. Tárkilengen mefedronnyń jalpy salmaǵy 50 grammdy qurady.
Ustalǵan adamǵa qatysty tergeý organdary QR Qylmystyq kodeksiniń 297-baby 3-bóliginiń 3-tarmaǵy boıynsha (esirtki zattardy asa iri kólemde zańsyz alý, tasymaldaý jáne satý maqsatynda saqtaý) boıynsha sotqa deıingi tergeý júrgizip jatyr.
Áıel 10 jyldan 15 jylǵa deıingi merzimge bas bostandyǵynan aıyrylýy múmkin.