Atyraý qalasynda byltyrǵy 1 maýsym men bıylǵy 30 maýsym aralyǵynda ómirge kelgen nárestelerdiń sany 12 myń 365-ti qurap otyr, dep habarlaıdy Egemen.kz.
Qalalyq jumyspen qamtý, áleýmettik baǵdarlamalar jáne AHAJ bólimi mamandarynyń aıtýynsha, bul 2019-2020 jyldardyń esepti kezeńindegiden 1 113 balaǵa kóp.
«Ata-analar uldaryna Nurıslam (190), Ibrahım (186), Álıhan (165), Ahmad (160), Ámir (146) esimderin berýdi jón kórgen. Sondaı-aq Aıádil, Asad, Damıl esimderi de kezdesedi. Al, qyzdarǵa Aısha (294), Aılın (273), Aıala (279), Medına (271), Raıana (228) esimderi kóbirek qoıylǵan», dep habarlady bólim mamandary.