Eýrokýbok: Qazaqstan klýbtarynyń sátti qadamy

 «Armenııa da

bizdiń jer»

Araǵa biraz ýaqyt salyp, Eýrokýbok básekelerine qaı­ta oralǵan Qaraǵandynyń «Shah­teri» ekinshi irikteý kezeńiniń alǵashqy oıynyn Býharestte (Rý­mynııa) ótkizip, jergilikti  «Stıaýa» ujymynan 1:0 esebimen jeńilip qalǵan edi. О́z elimizde qarymta qaıtarýdy nıet etken «Shahter» pandemııanyń saldarynan óz alańyndaǵy oıynyn Armenııa astanasy – Erevanda ótkizýge májbúr boldy. Sebebi epıdemııalyq ahýal boıynsha Qazaqstan Rýmynııanyń «qyzyl aımaǵyna» enip, 25 shildeden bas­tap koronavırýs órshigen elderdiń qataryna kirgen. Bul – bizdiń elden Rýmynııaǵa barǵandar 14 kúndik karantınge jatqyzylady degen sóz.

Konferensııa lıgasynyń Reg­lamentiniń 1k jıyntyǵynyń ta­lap­taryna sáıkes, bundaı jaǵ­daıda alań ıesi bolyp otyrǵan klýb beıtarap alań taýyp, matchyn sol jerde ótkizýi tıis. Osydan keıin «Shahter» fýtbol klýby rý­myn klýbymen kelissózder júr­gizip, oıyndy Armenııa astanasy – Erevanda ótkizetin bolyp kelisti.

Eki matchty da syrt alańda ótkizýge májbúr bolǵan «Shahter» Erevandaǵy oıynǵa tyńǵylyqty daıyndalyp, sharasyz kúıge qal­dyrǵan Rýmynııa komandasyn qalaı da jeńýimiz kerek dep attanǵan bolatyn. Sóıtip, «kenshiler» komandasy Vazgen Sargsıan atyndaǵy stadıonda ótken oıynda ózderinen áldeqaıda deńgeıi joǵary «Stıaýany» san soqtyryp ketti. Kezdesýdiń negizgi ýaqyty 2:1 esebimen aıaqtalsa da, eki oıynnyń nátıjesi boıyn­sha tarazy basy teńesti. Ary qa­raı match ekstra-taımǵa, odan ári penaltı serııasyna ulas­ty. Al 11 metrlik núktede qara­ǵandylyq komandanyń baǵy janyp, qarsylastarynan basym tústi. Bul jerde fýtbolshylardan bólek,  «Shahter» qaqpashysy Igor Shaskııdiń de eńbegin erek­she atap ótken jón. Qarsylas oıynshynyń soqqysyn qaıtara bilgen ol komandasyna mańyzdy jeńis syılady.

Osylaısha Armenııada alań qojaıyny bolyp oınaǵan «Shah­ter» qarsylastaryna minez kór­setip, kelesi kezeńge joldama aldy. Endi Qaraǵandynyń komandasy jarystyń úshinshi aınalymynda Ýkraınanyń  «Kolos» klýbymen kezdesedi. Byltyrǵy Ýkraına chem­pıonatynda 4-oryn alǵan «Ko­los» birden Konferensııa lı­ga­synyń úshinshi kezeńine joldama alǵan. Alǵashqy oıyn 5 tamyzda syrt alańda, qarymta kezdesý 10 tamyz kúni Qazaqstanda ótedi dep josparlanǵan. Aldyn ala málimet boıynsha, «Shahter» óz alańyndaǵy matchty «Astana Arenada» ótkizedi.

«Tobyl» tartysty oıyn kórsetti

Qostanaıdyń «Tobyly» Kon­ferensııa lıgasynyń ekinshi irik­teý kezeńindegi alǵashqy match­tan keıin qazaqstandyq komandalar arasynda eń nashar óner kórsetken ujymnyń biri edi. Horvatııanyń «Haıdýk» komandasymen kezdesken byltyrǵy Qazaqstan chempıonatynyń kúmis júldegerleri syrt alańda 2:0 ese­bimen jeńilip, kelesi kezeńge shy­ǵý úshin jaǵdaılaryn tym nasharlatyp alǵan-dy. Tipti, fýt­­­­bol mamandary «Tobyl» bı­yl da Eýrododa básekesin erte aıaq­­­taıdy dep boljamdaryn ja­sap, qostanaılyq ujymǵa senim­sizdikterin bildirgen bolatyn. Alaı­da «Tobyl» Horvatııadan Qazaq­stanǵa bir barmaǵy búgýli kelgen eken.

Qostanaıdaǵy Ortalyq sta­dıon­da ótken qarymta básekede alań ıeleri múlde basqa oıyn kór­setip, barsha qazaqstandyq fýt­bol jankúıerlerin de, «Haı­dýk» fýtbolshylaryn da tań qal­dy­ryp, 4:1 esebimen jeńiske jetti. Jaýapty kezdesýi aldynda al­dyńǵy oıynnan sabaq alǵan «To­byl» klýbynyń bas bapkeri min­detin atqarýshy Aleksandr Mos­kalenko quramǵa tak­tıkalyq ózgeris jasap, utymdy sheshim qabyldady.

Iаǵnı syrt alańdaǵy oıynda qosalqy quramnan shyǵyp, «Tobyldyń» oıynyna qan jú­girtken Serikjan Mujyqov, Rýben Brıjıdý, Igor Sergeev, Dýshan Iovanchıch jáne Zoran Toshıch Qos­tanaıdaǵy qarymta machta birinshi mınýttan bastap alańǵa shyǵyp, komandasyn alǵa súıredi. Atalǵan oıynshylar birinshi taım­da kózge túse qoımasa da, ekin­shi taımda kezdesýdiń basty qahar­mandaryna aınaldy.

Ekinshi taımnyń 56-mınýtynda D.Iovanchıchtiń aıyp ala­ńynyń syrtynan tepken doby qorǵaýshylardyń birine tıip, qaq­pa torynda týlady. Arada bes mınýt ótkende Zoran Toshıchtiń keremet pasynan keıin Igor Ser­geev esepti eseledi. Al 67-mı­nýt­ta ózbekstandyq shabýylshy Serikjan Mujyqovtyń áýe­lete asyrǵan pasyna birinshi jetip, baspen tamasha gol soqty. Osy­laısha «Tobyl» aınaldyrǵan 11 mınýttyń ishinde qarsylas komandanyń qaqpasyna jaýapsyz úsh gol soqty. Eki oıynnyń nátıjesi boıynsha «Tobyl» 3:2 esebimen kelesi kezeńge shyǵýǵa bir taban jaqyn turǵan edi. Alaıda 94-mınýtta Emır Sahıtı «Tobyl» qaqpasynyń mańyndaǵy qarbalas sátti tıimdi paıdalanyp, esep aıyr­masyn qysqartty. Osydan keıin oıyn ekstra-taımǵa ulasty. Qosymsha taımnyń ekinshi 15 mınýty aıaqtalar tusta alańǵa tyńnan qosylǵan Azat Nurǵalıev jáne Ashat Taǵybergen tandemi óz nátıjesin berdi. Azattan pas alǵan Ashat aıyp alańynyń syrtynan dál soqqy jasap, komandasyna mańyzdy jeńis syılady. Qorytyndy esep – 4:1. Bul matchta da qazaqstandyq qaqpashy naǵyz erlik jasady. 70-mınýtta «Haı­dýk» fýtbolshysy Fılıp Kro­vı­novıchtiń on bir metrlik aıyp dobyn Aleksandr Mokın qaıtara bildi.

Endi Aleksandr Moskalenko shákirtteri úshinshi irikteý keze­ńinde Slovakııanyń «Jılına» komandasymen kezdesedi. Alǵashqy match 5 tamyzǵa, qarymta kezdesý 12 tamyzǵa josparlanǵan.

Qosymsha taım

kúsh berdi

Elordanyń «Astana» klýby Konferensııa lıgasynyń ekinshi irikteý kezeńiniń alǵashqy matchynda Grekııanyń «Arıs» klýbyn óz alańynda qabyldap, 2:0 esebimen senimdi túrde jeńiske jetti. Bul esep qarymta oıyn aldynda jerlesterimizge biraz basymdyq syılaǵan edi. Alaıda «Astana Are­nada» óte nashar oınaǵan «Arıs» óz elindegi «Kleantıs Vı­ke­lıdısa» stadıonyndaǵy qa­rymta básekede «Astananyń» ady­myn ashtyrmady. Onyń ústine, syrttaǵy oıyn­da elordalyq ujym­ǵa birinshi matchtyń úzdik oı­ynshysy bolǵan Marın Tomasov kómektese almady.

Matchtyń bastalýyna bir saǵat qalǵanda Tomasov alańǵa shyǵatyn negizgi quram oıynshylarynyń tiziminde bolǵan edi. О́kinishke qaraı, dene qyzdyrý sátinde horvatııalyq legıoner aıaǵynan jaraqat alyp, oıynǵa qatysa almaıtyny belgili boldy. Degenmen Eýrokýbok oıyndarynda birneshe jyldyq tájirıbesi bar «Astana» qıynshylyqpen bolsa da kelesi kezeńge joldama aldy.

Grekııadaǵy match 2:1 esebimen alań ıeleriniń paıdasyna she­shildi. Oıynnyń 36-mınýtynda Dmıtrıos Manos komandasyn alǵa shyǵarsa, 78-mınýtta Lýkas Sasha esepti 2:0-ge jetkizdi. Sóıtip eki oıynnyń nátıjesi boıynsha tarazy basy teńesip, bul oıyn da qosymsha taımǵa ulasty. Abyroı bolǵanda, «Astana» sapyna jýyr­da ǵana qosylǵan 24 jastaǵy qorǵaýshy Eneo Bıtrı aıyp dobynan asyrylǵan pasty qaqpaǵa dál baǵyttap, jeńisti goldyń avtory atandy. Osylaısha elordalyq ujym eki oıynnyń qorytyndysy boıynsha Konferensııa lıgasynyń úshinshi irikteý kezeńine joldama aldy.

«Astana» kelesi aınalymda Fınlıandııanyń «KýPS» komandasymen kezdesedi. Alǵashqy oıyn 5 tamyzda syrt alańda, qarymta kezdesý 12 tamyz kúni «Astana Arenada» ótedi.