Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy general-leıtenant Murat Bektanov Belarýs Respýblıkasyna resmı saparmen bardy, dep habarlaıdy Egemen.kz.
Belarýs Respýblıkasynyń Qorǵanys mınıstri general-leıtenant Vıktor Hrenınmen jáne Qarýly Kúshteri Bas shtabynyń bastyǵy general-maıor Vıktor Gýlevıchpen kezdesýlerde qorǵanys salasyndaǵy qazaqstan-belarýs yntymaqtastyq máseleleri talqylandy. Atap aıtqanda, ekijaqty jáne kópjaqty negizde jaýyngerlik daıarlyq is-sharalary men oqý-jattyǵýlardy ótkizýdi, Armııalyq halyqaralyq oıyndardy uıymdastyrý jáne oǵan qatysý, kadrlar daıarlaý jáne áskerı bilim berý, áskerı-tehnıkalyq yntymaqtastyq, patrıottyq tárbıe máseleleri.Taraptar ózara qyzyǵýshylyq týdyratyn salalardaǵy yntymaqtastyqty keńeıtýge ózara múddelilikti atap ótti.Sapar barysynda Belarýs Respýblıkasynyń Áskerı akademııasyna, jeke desanttyq-shabýyldaý brıgadasyna, qorǵanys-ónerkásip kesheniniń kásiporyndaryna, Uly Otan soǵysy tarıhı jádigeri Belarýs Memlekettik murajaıyna bardy.Qazaqstandyq delegasııa Bresttiń kúshtik qurylymdarynyń basshylyǵymen, sondaı-aq Belarýs Qarýly Kúshteriniń Áýe-desanttyq áskerleri men Arnaıy operasııalar kúshteriniń ardagerlerimen kezdesti. General-leıtenant Murat Bektanov «Brestskaıa krepost-geroı» memorıaldyq kesheni men Mınsk qalasyndaǵy Jeńis monýmentine gúl shoqtaryn qoıdy.