Prıozersk garnızonyndaǵy áskerı bólimniń jeke quramy qataryn tolyqtyrǵan sarbazdar atys daıarlyǵynyń josparyna sáıkes AK-74 qarýynan oq atý jattyǵýyn ótkizdi.
Atys jattyǵýynyń maqsaty sarbazdardyń mashyǵyn jetildirip, daǵdylaryn shyńdaý bolyp tabylady.
Jattyǵý aldynda jeke quram qaýipsizdik erejelerin qaıtalap, qarýdy bólshektep, qaıta jınaý is-qımyldaryn oryndap, atys alańynda oq atýdy oryndady. Medısınalyq kómek kórsetý sabaqtaryna qatysty. Buǵan qosa sarbazdar áskerdiń kúndelikti dene daıarlyǵy, quqyqtyq daıarlyq sabaqtaryna da qatysyp, áskerı ómirdiń qyr-syryn úırenip, daǵdylanýda.
Bul – sarbazdardyń áskerı bólimdegi birinshi atys jattyǵýy emes. Sondyqtan olar qarýdan atýda úzdik nátıjeler kórsete bildi.
– Alǵashqy kúnderi qarýdy ustap, odan atý qobaljytqany ras. Degenmen, ýaqyt óte kele tájirıbe men mashyqtanýdyń nátıjesinde, jaqsy kórsetkishke qol jetkizip kelemiz, – dedi úzdik nátıje kórsetken efreıtor Bekzat Amalbek.
Sarbazdar bir jyl boıy tek AK-74 avtomatynan oq atýdy oryndap qana qoımaı, basqa da qarý túrlerin zerdeleıdi. Áskerdiń, tártipke baǵynýdyń, Otandy qorǵaýdyń barlyq qyr-syryn úırenip, naǵyz jaýyngerlik mektepten ótedi.
– Búgingi atysta sarbazdar alǵashqy kezben salystyrǵanda mashyqtanǵanyn, eptilik paıda bolǵanyn, júreksinýdiń seıilgenin kórsetti. Osylaısha, bir jyl ishinde dáldikti, kózdeýdi, naqtylyqty bilip qana qoımaı, tártipke, erejege, saptyq daıarlyqty úırenedi, –dedi nusqaýshy serjant Aıbek Kúrtibaev.
Áskerı bólimde merzimdi qyzmettegi sarbazdarmen ótkiziletin barlyq is-sharada sanıtarlyq-epıdemııalyq talaptar saqtalatynyn aıta ketken jón.
«Egemen-aqparat»