Shymkent qalasyndaǵy onkologııalyq ortalyqta alǵash ret óńeshtiń qaterli isigine tiliksiz ota jasaldy, dep habarlaıdy Egemen.kz.
Kúrdeli otany endoskopııalyq ádispen jasaý úshin shymkenttik dárigerlerge Aqtaý qalasyndaǵy «Sofie Med» klınıkasynyń onkohırýrgi Muhamedjan Nurǵazıev sheberlik sabaǵyn ótkizdi.
Endoskopııalyq ádispen jasalǵan kúrdeli ota aqtaýlyq dárigerdiń qatysýymen ótti. Buǵan deıin jergilikti onkologtar óńeshtegi isikti emdeý úshin ashyq ota jasap kelgen bolatyn. Mundaı otadan keıin asqynýlar jıi kezdesedi deıdi mamandar.
«Mundaı otany ashyq ádispen jasaıtynbyz. Ota kúrdeli bolǵandyqtan, asqynýlar kóptep kezdesetin. Muhamedjan Nurǵazıevtiń sheberlik sabaǵynda keýde jáne ish qýysyn ashpaı-aq, tiliksiz ota jasaýdy úırendik. Atalǵan operasııa ońtústik óńirde alǵash ret jasalynyp otyr. Endoskopııalyq ádistiń birshama artyqshylyqtary bar. Jańa ádispen ota jasaýǵa daıynbyz, oǵan qajetti jabdyqtyń bári bar», deıdi ortalyqtyń hırýrgııa jónindegi orynbasary Samat Tastemiruly.
Odan bólek, tájirıbe almasý barysynda qalqansha bezi isigine shaldyqqan eki naýqasqa, búırek isigi, asqazan qaterli isigine shaldyqqan naýqastarǵa tiliksiz ota jasaldy.