Atyraý polıseıleri 3 tamyzda velosıpedpen 1,1 mıllıon teńgeniń esirtkisin tasymaldaǵan er adamdy ustady, dep habarlaıdy Egemen.kz.
«Esirtki qylmysyna qarsy is-qımyl basqarmasy men patrýldik polısııa qyzmetkerleri qala kósheleriniń birinen 33 jastaǵy er adamdy ustady. Ol velısıped jyldamdyǵyn arttyryp, tártip saqshylarynan qashyp ketpek bolǵan. Alaıda, patrýldik polısııa qyzmetkerleri kúdiktiniń qashyp ketýine múmkindik bermedi. Tintý kezinde odan quny 1,1 mln teńgeni quraıtyn 40 qara polıetılen paketke salynǵan sıntetıkalyq «mefedron» preparaty tabyldy», dep habarlady departamenttiń baspasóz qyzmeti.
Qazir ustalǵan kúdiktige qatysty QR Qylmystyq Kodeksiniń 296-babynyń 4-bóligimen sotqa deıingi tergeý bastaldy. Al kúdikti ýaqytsha oqshaýlaý ızolıatoryna qamaýǵa alyndy.