Ortalyq Azııa Memleketteri basshylary Konsýltatıvtik kezdesýiniń qorytyndysy boıynsha birlesken málimdeme

Memleketter basshylary dostyq, ózara qurmet pen senim, syndarlyq jáne ózara túsinistik jaǵdaıynda ótken kelis­sózderdiń qorytyndylary boıynsha,

tarıhı qalyptasqan dostyq jáne tatý kórshilik qatynastar negizinde óńirlik yntymaqtastyqty damytýdyń údemeli prosesin ataı otyryp,

Birikken Ulttar Uıymy Jarǵysynyń qaǵıdattaryn negizge ala otyryp jáne halyqaralyq quqyqtyń jalpyǵa birdeı tanylǵan normalaryn saqtaýǵa óziniń berik beıildiligin rastaı otyryp,

ózara qurmet, teń quqylyq, bir-biri­niń múddelerin eskerý negizinde kelis­sózder men konsýltasııalar arqyly Ortalyq Azııa óńirin damytýdyń ózekti máselelerin qaraý jáne sheshý qajettigin atap kórsete otyryp,

óz memleketteriniń óńirdegi beıbit­shi­likti, turaqtylyq pen qaýipsizdikti qam­tamasyz etý múddesinde ashyq jáne keń aýqymdy ózara is-qımylǵa ázirligin ataı otyryp,

saıasat, ornyqty jáne turaqty damý, saýda-ekonomıkalyq jáne ınves­tı­sııa­lyq-qarjylyq, kólik-kommý­nı­­kasııalyq, sý-energetıkalyq, aqparat­tyq-tehnologııalyq, ekologııalyq jáne mádenı-gýmanıtarlyq yntymaq­tas­tyqty qosa alǵanda, ózara múddelilik bil­­dirilgen barlyq salalardaǵy qaty­nas­tardy odan ári keńeıtýge jáne nyǵaı­týǵa degen jalpy umtylysty negizge ala otyryp,

Ortalyq Azııa memleketteriniń ma­ńyz­dy jahandyq jáne óńirlik pro­b­lemalardy sheshýdegi birlesken basta­ma­larynyń álemdik arenada eleýli nátı­­jeleri bar ekenin atap óte otyryp,

jahandyq syn-tegeýrinder men qaýip­terge, onyń ishinde koronavırýs­tyq ınfeksııa pandemııasyna qarsy is-qımylda, sondaı-aq onyń teris saldaryn birlesip eńserýde óńir memleketteriniń tyǵyz áriptestiginiń mańyzdylyǵyn atap kórsete otyryp,

Ortalyq Azııa Memleketteri basshy­larynyń júıeli túrdegi Konsýltatıvtik kezdesýleri óńirdegi kópjaqty mem­leketaralyq yntymaqtastyqty odan ári nyǵaıtýǵa yqpal etetin ózekti máseleler boıynsha usynystardy talqylaýǵa jáne engizýge múmkindik beretinin taǵy da rastaı otyryp,

tómendegini málimdeıdi:

1. Memleketter basshylary bıylǵy Kon­sý­ltatıvtik kezdesý Ortalyq Azııa mem­leketteri Táýelsizdiginiń 30 jyl­dyǵy qarsańynda ótip jatqanyn atap ótedi.

Osy oraıda Taraptar atalǵan forým­nyń Ortalyq Azııa elderi arasyndaǵy qatynastardy odan ári nyǵaıtý jáne damytý isindegi tarıhı mańyzdylyǵyn aıryqsha atap kórsetedi.

2. Taraptar ekijaqty jáne kópjaqty is-sharalar ótkizý, Ortalyq Azııa óńiri­niń barlyq memleketteriniń beıbit damýyna, órkendeýi men turaqtylyǵyna járdemdesý maqsatynda ózara saparlardy júzege asyrý jolymen kópjaqty ózara is-qımyldy keshendi damytýdyń ózektiligi men qajettiligin rastaıdy.

3. Taraptar Túrikmenbashy qala­syn­daǵy Konsýltatıvtik kezdesý qaýipsizdik pen turaqtylyqty qamtamasyz etý, saý­da, ekonomıka jáne ınvestısııalar, kólik jáne tranzıt, aýyl sharýashylyǵy jáne azyq-túlik qaýipsizdigi salalarynda ónerkásiptik kooperasııa, sý-ener­ge­tıkalyq resýrstar, qorshaǵan ortany qor­ǵaý, týrızm, ǵylym, bilim, mádenıet jáne genderlik teńdik máselelerinde óńir­lik ózara tıimdi yntymaqtastyqty odan ári damytýdyń perspektıvalyq baǵyttaryn, nysandary men tetikterin jan-jaqty qaraýǵa múmkindik bergenin atap ótedi.

4. Memleketter basshylary óz elderi­niń áleýetin óńirde qaýipsiz, turaqty, keń jáne ashyq áriptestikke arnalǵan keńis­tik qalyptastyrý múddesine paıda­laný­dyń mańyzdylyǵyn atap ótedi.

Osyǵan oraı Taraptar syrtqy ister mınıstrlikteri, dıplomatııalyq ókil­dikter, konsýldyq mekemeler, sondaı-aq Ortalyq Azııa memleketteriniń BUU janyndaǵy turaqty ókildikteri men basqa da halyqaralyq uıymdar jelisi bo­ıynsha konsýltasııalar ótkizýdiń, baı­lanystar men olardy nyǵaıtýdyń mańyz­dylyǵyn atap kórsetedi.

5. Taraptar BUU Bas Assambleıasy Halyqaralyq beıbitshilik jáne senim jyly dep jarııalaǵan bıylǵy 2021 jyly halyqaralyq qoǵamdastyqtyń Birikken Ulttar Uıymy tulǵasynda qa­byl­­daǵan keń aýqymdy jáne uzaq mer­­zimdi strategııalardy, tujyrym­dama­­lar men baǵdarlamalardy iske asy­rý isin­de naqty nátıjelerge qol jet­kizý maq­satynda Ortalyq Azııa memle­ket­­teriniń halyqaralyq arenadaǵy shoǵyr­lanǵan qyzmetin jandandyrý qajet dep esepteıdi.

6. Memleketter basshylary 2021 jyly Ortalyq Azııada, Iаdrolyq qarý­dan azat aımaq týraly shartqa qol qoıylýynyń 15 jyldyǵy, sondaı-aq Semeı ıadrolyq synaq polıgony ja­bylýynyń 30 jyldyǵy atalyp ótetinine erekshe toqtaldy.

Osyǵan baılanysty Prezıdentter Ortalyq Azııadaǵy, Iаdrolyq qarýdan azat aımaq týraly shartty iske asyrý boıynsha óńir memleketteriniń belsendi yntymaqtastyǵyn jalǵastyrýǵa daıyn ekendikterin bildirdi jáne ıadrolyq qarýsyzdaný men taratpaý isinde kúsh-jigerdi shoǵyrlandyrý maqsatynda basqa da ıadrolyq qarýsyz aımaqtarmen ózara is-qımyldy jandandyrý qajettigin atap ótti.

7. Taraptar kórshi Aýǵanstandaǵy jaǵ­daıdyń jýyq aradaǵy rettelýi Orta­lyq Azııadaǵy qaýipsizdik pen tu­raq­­tylyqty saqtaý men nyǵaıtýdyń ma­­ńyz­dy faktorlarynyń biri bolyp ta­by­­latynyn rastaıdy. Osyǵan oraı, Taraptar Aýǵan qoǵamyndaǵy azamattyq beıbitshilik pen kelisimge jedel qol jetkizýge jan-jaqty kómek kórsetýge daıyn ekendikterin bildirdi.

Osy oraıda Taraptar barlyq múd­deli memleketter men halyqaralyq uıym­dardyń Aýǵanstandaǵy qaýipsizdik pen turaqtylyqty qamtamasyz etýge, eldiń áleýmettik-ekonomıkalyq ınfra­qurylymyn qalpyna keltirýge jáne ony álemdik sharýashylyq baılanystarǵa tartýǵa baǵyttalǵan kúsh-áreketterin qoldaıdy.

8. Taraptar óńirdi damytýdyń ózek­ti máselelerin júıeli túrde qaraý úshin turaqty jumys isteıtin konsýl­tatıvtik platforma retinde Or­ta­lyq Azııadaǵy qaýipsizdik pen ynty­maq­tastyq jónindegi dıalog qurý máselesin pysyqtaýdy qoldady.

9. Taraptar Ortalyq Azııa óńiriniń turaqty damýyn saýda-ekonomıkalyq, ınvestısııalyq, ónerkásiptik, qarjylyq, energetıkalyq, aýyl sharýashylyǵy, kom­mýnıkasııalyq, áleýmettik, ekolo­gııa­lyq jáne ózara múddeli basqa da sala­lardaǵy baılanystardy odan ári nyǵaıtý arqyly qamtamasyz etý birinshi kezektegi mindet dep sanaıdy.

Qarjy júıesin birlesip damytý jáne óńirge ınvestısııalar tartý maqsatynda Taraptar «Astana» halyqaralyq qarjy ortalyǵy alańyn Ortalyq Azııa óńiri elderin, sondaı-aq sheteldik ınvestorlarmen baılanystyratyn ekonomıkalyq platforma retinde paıdalanýǵa kelisti.

10. Taraptar Ortalyq Azııa memle­ket­teri arasyndaǵy kóshi-qon proses­terin retteý salasyndaǵy quzyretti organ­dardyń ózara is-qımylyn kúsheı­týdiń mańyzdylyǵyn, sondaı-aq eńbekshi kóship-qonýshylardyń quqyqtary men múddelerin qorǵaýdy qamtamasyz etý, olarǵa quqyqtyq, áleýmettik, aqpa­rattyq-konsýltasııalyq kómek kórsetý qajettigin moıyndaıdy.

11. Taraptar ózara taýar aınalymyn arttyrýdyń mańyzdylyǵyn jáne óńirdegi saýda rásimderin jeńildetý jó­nindegi mindetterdi tıimdi sheshýge ózara tıimdi ortaq tásilderdi odan ári ázirleý qajettigin atap ótedi.

Taraptar ózara saýdany ulǵaıtý, shekara mańyndaǵy aýmaqtarda saýda-óndiristik alańdardy, sondaı-aq kóterme-taratý ortalyqtary jelisin damytýdy qosa alǵandaǵy birlesken ekonomıkalyq jobalardy iske asyrý maqsatynda Or­talyq Azııa memleketteriniń isker top­tary men óńirleri arasyndaǵy yn­ty­maqtastyqty keńeıtý jónindegi jumys­ty jandandyrý qajettigin atap ótedi.

12. Taraptar avıasııalyq, avtokólik, temir jol, ózen jáne teńiz kóligine ar­nalǵan jańa halyqaralyq baǵyttar qurý men jumys istep turǵandaryn jań­ǵyrta otyryp, mýltımodaldyq kólik dálizderin, logıstıkanyń, saý­da men týrızmniń halyqaralyq kópfýnk­sıonaldy ortalyqtaryn, taýarlar men júkterdiń erkin jáne kedergisiz tran­zıtin qamtamasyz etý, úzdik halyq­ara­lyq tájirıbelerge sáıkes trans­she­karalyq rásimderdi jeńildetý jáne óńirdiń tranzıttik áleýetin tıimdi paı­dalanýdy qamtamasyz etetin bas­qa da birlesken ınfraqurylymdyq jobalardy iske asyrý maqsatynda kólik-tranzıt salasyndaǵy kópjaqty yn­ty­maqtastyqty odan ári tereńdetýdiń mańyzdylyǵyn aıryqsha atap kórsetedi.

Taraptar «Soltústik – Ońtústik» jáne «Shyǵys – Batys» halyqaralyq dálizderin birlesip damytýǵa barynsha kúsh salady.

Taraptar Kólik kommýnıkasııalary jónindegi óńirlik keńes qurýdy jedeldetý, óńir memleketteri qatysatyn tıimdi halyqaralyq kólik dálizderin qalyptastyrý boıynsha iske asyrylyp jatqan jáne perspektıvaly jobalar­dy eskere otyryp, Ortalyq Azııa­da kólik júıesin birlesip damytý jónin­degi baǵdarlama men kelisimdi keli­sý qajet­tigin atap ótti.

Taraptar ózbek tarapynyń Birikken Ulttar Uıymy aıasyndaǵy Kóliktik-kommýnıkasııalyq ózara baılanysty damytýdyń óńirlik ortalyǵyn qurý týraly bastamasyn qoldady.

Taraptar óńirlik qosylǵan qun tiz­bek­terin jáne birlesken ónerkásiptik klas­terlerdi qurý, sıfrly ekonomıkany ilgeriletýdegi yntymaqtastyqty arttyrý arqyly ózara saýda kólemin ulǵaıtýǵa nıettenip otyr.

13. Taraptar saýda-ekonomıkalyq, energetıkalyq, kóliktik-logıstıkalyq jáne ınnovasııalyq baǵyttarda ózara yntymaqtastyqqa maqsatty jáne júıeli sıpat berý maqsatynda Ortalyq Azııa el­deriniń ónerkásipshileri men kásip­ker­leriniń besjaqty keńesin qurý qajettigi týraly málimdedi.

14. Taraptar áleýmettik jáne eko­no­mıkalyq ósýdiń jańa kózderin izdeý maqsatynda ınnovasııalyq baǵdar­lamalar men jobalardy birlesip iske asyrý úshin kúsh-áreketterdi biriktirýge, sondaı-aq ǵylym, tehnologııalar men ınnovasııalar salasyndaǵy tıimdi yntymaqtastyqqa qoldaý kórsetýge, ǵylymı-zertteýlerdi birlesip júrgizýge, ǵylymı-zertteý ortalyqtary arasynda tájirıbe almasýǵa nıet bildiredi.

15. Taraptar Joǵary oqý oryndary arasyndaǵy jáne ǵylymı almasýlardyń óńirlik baǵdarlamasyn ázirleý arqyly rektorlar forýmdary, ǵylymı konferensııalar men ǵylymı-pedagogıkalyq jáne stýdenttik jurtshylyq pen jas­tar sımpozıýmdary sheńberinde bilim berý, «ǵylymı dıplomatııa» salasyn­daǵy yntymaqtastyqty tereńdetýdi qoldaıdy.

Taraptar aqparattyq-kommýnıka­sııalyq tehnologııalardyń damýy men paı­dalanýdaǵy progresti, sondaı-aq kún­delikti ómirge degen údemeli áserin atap kórsetedi. Memleketter halyq­ara­lyq quqyq qaǵıdattary men norma­laryn saqtaı otyryp, aqparattyq qaýip­sizdiktiń jańa qaterlerin eńserý maq­satynda kúsh-jiger biriktirýge nıetti.

16. Ortalyq Azııa memleketteriniń barlyǵy klımattyń ózgerý saldaryn jumsartý jáne oǵan beıimdelý, shó­leıt­tenýge qarsy kúres, sý-energe­tıkalyq resýrstardy utymdy paıda­laný, qorshaǵan orta men ekologııa­ny qorǵaý, muzdyqtardy saqtaý jáne ýran qaldyqtary qoımalaryn re­kýl­­tıvasııalaý, jańartylatyn energııa kózderin damytýdy qosa alǵanda, qor­lardy únemdeıtin jáne jasyl tehnologııalardy engizýge baǵyttalǵan jobalar men baǵdarlamalardy ilgeriletý salasyndaǵy óńirlik yntymaqtastyqty nyǵaıtý qajettigin atap ótti.

Taraptar osy salalarda óńirdegi or­nyq­ty damý maqsattaryna qol jetkizý úshin uzaq merzimdi jáne ózara tıimdi yn­ty­maqtastyq tetikterin jetildirý úshin birlesken kúsh-jiger jumsaýǵa daıyn.

Taraptar óńirdiń barlyq elderi­niń múddelerin eskeretin Ortalyq Azııa­daǵy sý-energetıkalyq máseleler­di sheshýge qolǵabys etý úshin qolda­nys­taǵy jáne salynyp jatqan gıdroener­getı­kalyq obektilerdiń mańyzdy­lyǵyn atap ótti.

Taraptar BUU Bas Assambleıasynyń 75-shi sessııasynyń «Tabıǵat shekara tanymaıdy: transshekaralyq ynty­maqtastyq – bıoártúrlilikti saqtaýdyń, qalpyna keltirýdiń jáne turaqty paıda­lanýdyń negizgi faktory», «Turaq­ty damýǵa arnalǵan sý» 2018-2028 jyl­dardaǵy is-qımyldardyń halyqaralyq onjyldyǵynyń maqsattaryna qol jetkizý barysyna ortamerzimdi jan-jaqty sholý boıynsha Birikken Ulttar Uıymynyń konferensııasy», «Aral óńirin ekologııalyq ınnovasııalar men tehnologııalar aımaǵy dep jarııalaý», «Birik­ken Ulttar Uıymy men Aral­dy qut­qarý jónindegi halyqaralyq qor ara­syndaǵy yntymaqtastyq», «Qazaq­stan­daǵy Semeı óńiri halqyn ońaltý, qorshaǵan ortasyn qalpyna keltirý jáne ekonomıkalyq damý maqsatyndaǵy halyqaralyq yntymaqtastyq jáne is-sharalardy úılestirý» qararlaryn qabyldaý sııaqty halyqaralyq jáne óńirlik bastamalardy tutas túsinýge qol jetkizýdiń jáne BUU alańynda ilgeri­letýdiń mańyzdylyǵyn atap kórsetedi.

Jahandyq klımattyń ózgerýiniń álem­degi, atap aıtqanda, Ortalyq Azııa­daǵy muzdyqtarǵa teris áserin eskere otyryp, Memleketter basshylary Tájikstan Respýblıkasy Prezıdentiniń 2025 jyldy Halyqaralyq muzdyqtardy saqtaý jyly dep jarııalaý jáne Muz­dyqtardy qorǵaý halyqaralyq qoryn qurý týraly usynysyn qoldady.

Memleketter basshylary Túrik­men­stan Prezıdentiniń Tómen kómirtekti energetıkany damytý jónindegi sharalardy júzege asyrýǵa baǵyttalǵan BUU Strategııasyn ázirleý týraly bas­tamasyna, sondaı-aq BUU aıasynda ener­getıkadaǵy basym baǵyttardyń biri retinde sýtegin damytý jónindegi halyq­aralyq «Jol kartasyn» qurýǵa qoldaý bildirdi.

17. Memleketter basshylary óńirdegi, onyń ishinde Aral teńizi basseınindegi, ásirese, ekologııalyq daǵdarys pen klımat ózgerýiniń teris áserine ushyraǵan aımaqtardaǵy áleýmettik-ekonomıkalyq jáne ekologııalyq jaǵdaıdy saýyq­tyrý­men baılanysty problemalardy ke­shen­di sheshý úshin kúsh-jigerdi shoǵyr­lan­dyrýdyń mańyzdylyǵyn moıyndady.

18. Taraptar sýdyń, atmosferalyq aýanyń lastanýyn azaıtýǵa, muzdyq­tardy, jerdiń tozýyn saqtaýǵa, orman ekpeleri alańdaryn ulǵaıtýǵa, tabıǵat apattarynyń, onyń ishinde sý tasqyny, sel tasqyny, qurǵaqshylyq táýekelderin azaıtýǵa, sondaı-aq taza aýyz sýmen qam­tamasyz etýge baǵyttalǵan kelisilgen shara­lar qabyldaý qajettigin atap ótti.

Memleketter basshylary Ortalyq Azııanyń barlyq memleketteriniń múd­d­eleri men qatysýyn eskere otyryp, Aral­dy qutqarý jónindegi halyqara­lyq qordyń uıymdyq qurylymy men sharttyq-quqyqtyq bazasyn jetildirý jóninde júrgizilip jatqan jumystardyń mańyzdylyǵyn atap ótti.

19. Búgin, adamzat jańa jahandyq qaýip-qaterge – koronavırýstyq ınfek­sııanyń pandemııasyna tap bolǵan kezde, Ortalyq Azııa memleketteri osy ınfek­sııanyń taralýyna qarsy keshendi sharalar qabyldap jatyr.

Osy baǵyttaǵy qadamdaryn álemdik qoǵamdastyqtyń qyzmetimen tolyq úı­lestire otyryp, taraptar koronavırýs­pen kúreste mańyzdy halyqaralyq bas­­tamalardy qoldaıdy.

Memleketter basshylary Qazaqstan Respýblıkasy Prezıdentiniń BUU aıasynda Aýrýlar jáne bıoqaýipsizdikti baqylaý jónindegi óńirlik ortalyqtar jelisin qurý, sondaı-aq BUU aıasynda arnaıy kópjaqty organ – BUU Qaýipsiz­dik Keńesine esep beretin Bıologııalyq qaýip­sizdik jónindegi halyqaralyq agent­­tik qurý týraly bastamasyna qol­daý bildirdi.

Osyǵan oraı, Taraptar ǵylymı dıp­lomatııa jelisi boıynsha ózara is-qımyldy jandandyrýǵa, ǵalym-medık­terdiń, sarapshylar men bilimniń ózge de aralas salalaryndaǵy mamandardyń júıeli qarym-qatynasy úshin barlyq qajetti jaǵdaılardy jasaýǵa kelisti.

Ortalyq Azııa memleketteriniń qaýipti ınfeksııalardyń taralýyna qarsy is-qımyl jasaý isindegi kúsh-ji­gerin shoǵyrlandyrý maqsatynda Tarap­tar vırýstardyń jáne basqa da ınfek­sııalardyń shyǵý tabıǵatyn, olar týdyratyn aýrýlardyń shyǵý nysandaryn, ınfeksııalyq aýrýlardy emdeý jáne aldyn alý ádisterin zerdeleý jónindegi óńirlik tetik qurý týraly máseleni qaraý qajet dep sanaıdy.

20. Azyq-túlik júıeleriniń turaqty­lyǵyn arttyrý qajettiligi turǵysynan Taraptar jetkizý tizbegin qoldaýǵa jáne azyq-túlik pen kúndelikti qajet taýar­larǵa arnalǵan «jasyl dálizder» tetik­terin keńinen engizýge kelisti.

21. Taraptar Ortalyq Azııany me­ken­deıtin halyqtardyń múddesi úshin jáne BUU jarııalaǵan Máde­nıet­­terdi jaqyndastyrýdyń halyq­aralyq onjyldyǵy rýhynda máde­nıet­aralyq dıalogty damytýǵa, al­ýan túrli mádenıetter men ultara­lyq to­le­ranttylyqty saqtaýǵa jáne kóter­meleýge, etnosaıasatty, óńirdiń materıaldyq jáne materıaldyq emes máde­nı jáne tabıǵı murasyn zerdeleý men qorǵaý salasynda yntymaqtasýǵa jáne ózara qoldaý kórsetýge, ádebı baılanystardy jetildirýge, halyqaralyq festıvaldar, forýmdar men konkýrstar ótkizýge, mýzyka, teatr, beıneleý jáne qolóneri, kınematografııa, teleradıo habarlaryn taratý, muraǵat, murajaı men kitaphana isi salasyndaǵy ózara is-qımyldy tereńdetýge jáne azamattar, eń aldymen jastar arasyndaǵy tikeleı baılanystar men týrıstik almasýlardy damytýǵa kelisti.

Osy baǵyttaǵy ózara is-qımylǵa júıeli jáne turaqty sıpat berý maq­satynda Taraptar «Ortalyq Azııa: ortaq tarıh jáne ortaq bolashaq» atty mádenı-gýmanıtarlyq almasýdyń biryń­ǵaı platformasy retinde Ortalyq Azııa mádenı dıalog forýmyn qurýǵa ýaǵdalasty.

22. Sporttyń halyqtar arasyndaǵy dostyqty nyǵaıtýdaǵy mańyzdy rólin eskere otyryp, Memleketter basshylary dene shynyqtyrý men sportty damy­týdy jalǵastyrýǵa, Taraptar aýmaq­tarynda halyqaralyq sporttyq-buqa­ralyq is-sharalardy ótkizýge qoldaý kór­setýge, dene shynyqtyrý, sport uıym­dary men mekemeleri arasyndaǵy ynty­maq­tastyqty kótermeleýge kelisti. Sondaı-aq ulttyq sport túrlerin halyqaralyq sport arenasyna ilgeriletý boıynsha Taraptar kúsh-jigerdi shoǵyrlandyrýy qajet ekeni atalyp ótti.

23. Memleketter basshylary týrızm salasynda, onyń ishinde pandemııa­dan keıin osy sektordy jedel qal­pyna kel­tirý jáne óńir elderi arasyndaǵy týrıs­tik almasýdy jandandyrý maq­satyndaǵy tyǵyz ózara is-qımyldyń qajettigin atap ótti.

Sondaı-aq Taraptar transshekaralyq aýmaqtarda týrıstik aımaqtar men klas­terler qurý, Ortalyq Azııada biryńǵaı keńistik qurý maqsatynda týrıstik ónim­der men baǵyttardy birlesip ilgeri­letý jumystaryn jandandyrýǵa kelisti.

Taraptar halyqaralyq jáne ishki týrızmdi damytýǵa qatysatyn uıym­dar jáne týrızm salasyndaǵy mem­lekettik basqarý organdary men týrıs­tik kompa­nııa­lar arasyndaǵy tyǵyz ynty­maq­tas­tyqty qoldaıdy.

Taraptar týrıstik qyzmetti damytý týraly aqparatpen, baspa materıal­darymen, fılmdermen almasýda, jar­nam­alyq kampanııalar, konferensııa­lar men semınarlar ótkizýde, kórmeler men jármeńkeler uıymdastyrýda odan ári yntymaqtastyq jasaıtyn bolady.

24. Memleketter basshylary syrtqy saıası vedomstvolarǵa 2022-2024 jyl­darǵa arnalǵan óńirlik yntymaqtastyqty damytý jónindegi jol kartasy jobasyn (Ortalyq Azııa Memleketteri bas­shy­larynyń Konsýltatıvtik kezdesý­leri­niń qorytyndylary boıyn­sha) beki­tý jumystaryn jýyq arada aıaqtaý­dy tapsyrdy.

25. Memleketter basshylary syrtqy saıası vedomstvolarǵa Ortalyq Azııa Memleketteri basshylarynyń kelesi Konsýltatıvtik kezdesýinde XXI ǵasyr­da Ortalyq Azııany damytý maq­satynda dostyq, tatý kórshilik jáne ynty­maqtastyq týraly shartqa qol qoıýdy daıyndaýdy tapsyrdy.

26. Prezıdentter Ortalyq Azııa Memleketteri basshylarynyń Konsýl­tatıvtik kezdesýleriniń Biryńǵaı rámizin paıdalaný týraly sheshim qabyldady jáne ol týraly Erejeni maquldady.

27. Prezıdentter Ortalyq Azııa Memleketteri basshylarynyń Qurmet belgisin bekitý týraly sheshim qabyldap, Qurmet belgisi týraly Ereje men onyń Sıpattamasyn maquldady.

28. Memleketter basshylary Túrik­­menbashy qalasynda ótip jat­qan Ortalyq Azııa elderi áıelder dıa­lo­gynyń forýmyna, Ortalyq Azııa el­deriniń Ekonomıkalyq forýmyna, Ortalyq Azııa elderiniń Ulttyq ónimder halyqaralyq kórmesine, Ortalyq Azııa elderiniń Ulttyq taǵamdar halyq­aralyq festıvaline jáne Ortalyq Azııa elderiniń Mádenıet jáne óner sheber­leriniń saltanatty konsertine joǵary baǵa berdi.

Memleketter basshylary Syrtqy ister mınıstrlerine Ortalyq Azııa Memleketteri basshylarynyń tórtinshi Konsýltatıvtik kezdesýin ótkizý merzimi men orny boıynsha usynystar daıyn­daý­­dy jáne Konsýltatıvtik kezdesýdiń kún tártibin ázirleýdi tapsyrdy.

Konsýltatıvtik kezdesý dástúrli dostyq, shyraıly jáne senimdi atmosferada ótti.

Memleketter basshylary Túrik­men­stan Prezıdenti Gýrbangýly Mıalık­gýlyevıch Berdimuhamedovke qonaq­jaı­lylyǵy jáne Konsýltatıvtik kezdesý­di joǵary deńgeıde uıymdas­tyrǵany úshin rızashylyq bildirdi.

 

Túrikmenbashy q.,

2021 jylǵy 6 tamyz