Shymkent qalasynyń ákimi Murat Áıtenov bastaǵan basshylyq ókilderi jergilikti turǵyndarmen onlaın kezdesýler ótkizip, áleýmettik jeli arqyly tikeleı efırde baılanysyp otyrady, dep habarlaıdy Egemen.kz.
Qala ákimi aı saıyn turǵyndardy jeke máseleleri boıynsha onlaın qabyldasa, apta saıyn túrli taqyrypta óziniń paraqshasynda tikeleı efırge shyǵyp turady. Jyl basynan beri 11 ret tikeleı efırge shyqqan bolsa, ákim jáne onyń orynbasarlary 70 ret onlaın kezdesý ótkizip, 555 turǵyndy qabyldaǵan.
Odan bólek sońǵy 2 aıda aýdan ákimderi men basqarma basshylary 25 ret tikeleı efırge shyǵyp, turǵyndar saýalyna jaýap bergen. Atqarylǵan jumystar jóninde esep berilip, josparlar talqylanyp otyrady.
О́tken aptada megapolıs basshysy turǵyn úıdi basqarýdyń jańa túrine kóshýdiń artyqshylyqtaryn túsindirdi. Jańa zańǵa sáıkes kóp qabatty turǵyn úıler jaı seriktestik nemese múlik ıeleriniń birlestigin quryp jatyr.
Aqparattyq tanymdyq jıekti arttyrý maqsatynda búgin Abaı aýdanynyń ákimi B.Parmanov @akimat_shymkent ákimdiktiń ınstagramdaǵy resmı paraqshasynda atalǵan taqyrypty keńinen tarqatty. Onyń ishinde MIB nemese JS qurý úshin ne isteý kerek, kimge barý kerek, qandaı tıimdiligi bar ekeni atap ótildi. Efır barysynda turǵyndar tarapynan qoıylǵan 70-ke tarta suraqqa jaýap berildi.