Abaı kúnine oraı, Qyzylorda oblysynyń ákimi Gúlshara Ábdiqalyqova Abaı eskertkishine gúl shoqtaryn qoıyp, taǵzym etti. Sharaǵa oblystyq ardagerler keńesiniń tóraǵasy Serik Dúısenbaev, Qyzylorda qalasy ákimi Ǵanıbek Qazantaev qatysty, dep jazady Egemen.kz.
Byltyr Memleket basshysynyń Jarlyǵymen uly Abaıdyń 175 jyldyq mereıtoıy respýblıka kóleminde atalyp ótti. Úkimet qaýlysymen 10 tamyz - Abaı kúni bolyp belgilendi.
Aıtýly merekege oraı aqynnyń esimin ulyqtaý maqsatynda oblys mádenıet uıymdarynda onlaın formatta túrli mádenı tanymdyq sharalar ótip jatyr.
О́ńirdegi 4 bilim berý oshaǵyna, 86 kóshege Abaı esimi berilgen. Qyzylorda qalasyndaǵy Nazarbaev dańǵylynyń boıynda ornalasqan alleıaǵa Abaı esimi berilip, qara sózderi tasqa qashalyp jazylǵan.
Abaı aýylyndaǵy mektep aýlasyna bıýsti, «Abaı atyndaǵy úsh tilde oqytatyn daryndy balalarǵa arnalǵan mamandandyrylǵan synyptary bar» mektebiniń aýlasyna eskertkishi ornatylǵan.