Qutqarýshylar jabyq jertólede qalǵan qyzdy qutqardy, dep habarlaıdy Egemen.kz ShQO TJD baspasóz qyzmetine silteme jasap.
10 tamyzda Kýlenova kentindegi Halyqtar Dostyǵy kóshesinde oınap júrgen kishkentaı qyz jertólede qamalyp qalǵan. ShQO TJD Mamandandyrylǵan jasaǵynyń qutqarýshylary oqıǵa ornyna jedel túrde shyqty. Kásibı mamandar qural-saımandardyń kómegimen tordy bólshektep, jertóleniń tereze sańylaýy arqyly bólmege kirip, esikti ishinen ashty.
«Balalardy qaraýsyz qaldyrmańyz. Úıler men páterlerde esiktiń qajetsiz sátte jabylýyna jol bermeıtin qulyptar ornatyńyz. Balalarǵa qaýipsizdik sharalaryn túsindirińiz. Balalaryńyzǵa muqııat bolyńyz. Tótenshe jaǵdaı kezinde 112 nómiri boıynsha habarlańyz», dep eskertti ShQO TJD.