Sot sheshimi nege oryndalmaıdy?

Eki jylǵa jýyq ýaqyt kóleminde koronavırýs náýbeti álemdi bir tarynyń qaýyzyna syıǵyzyp, adamzatty tyǵyryqqa tirep otyr. Osy zaýal shaq bastalǵaly aldymen keýdesin oqqa tosqan jaýyngerdeı maıdannyń alǵy shebinde júrgender – dárigerler. Osyndaı naǵyz qyzyl maıdannyń ortasynda júrgen azamattyń biri – Nur-Sultan qalasyndaǵy №2 qalalyq kópsalaly aýrýhananyń akýsher-gınekology Iles Bekmanov.

Ana tolǵatyp jat­qan­­­da dá­ri­gerler de janyn shú­be­­rekke túıip tura­dy. Bul kórinis talaı bala­ǵa kindik áke bolǵan Iles Qu­daı­berdiulynyń kún­de­likti jumysyna tán. Ol úshin basty maqsat – ana men balanyń amandyǵy ju­my­­synyń mazmuny ǵana emes, ómiriniń máninen kem túspeıdi. Ýaqytpen sa­naspaı, kúndiz-tún demeı perzenthanada júretin Iles Qu­daıberdiuly da koro­na­vı­rýstyń sheńgeline ilik­ken. Qaýipti keseldiń ny­shansyz túrimen aýyryp, 2020 jyldyń 9 mamyrynda aýrýhana tósegine jatty. On úsh kún aýrýhanada emdelip, taǵy bir aptadaı úıinde boıyn tiktep alǵan soń, 30 mamyrda qyzmetine qaıta kiristi. Biraq dárigerge koronavırýs qaıtalap soq­ty. 2020 jyldyń 19 maýsymynda Iles aýrýhanaǵa taǵy tústi. О́kpesi 45 pa­ıyz qabynǵany belgili boldy. Qyz­metine tek shilde aıynyń basynda shyqty. Ju­mysqa shyqqanymen, aýrý jú­detken aǵzany qaı­ta ny­ǵaıtý úshin onyń ju­mys­­pen arpalysyp jú­rip, kóp kú­tinýine týra kelgeni ras. Áıteýir aman qalǵanyna táýbe dedi.

Tótennen kelgen jaý se­­kil­di bul náý­bet aýrý emi­­niń anyq hattamasy beki­til­genshe, naý­qas­tardy emdeý bary­synda etene ara­lasqan biraz dárigerdiń basyn jutty. Mine, sol ýaqytta Densaýlyq saqtaý mınıstriniń jáne Eńbek jáne halyqty áleýmettik qor­ǵaý mınıstriniń «COVID-19 ko­­ro­navırýstyq ın­­­­fek­sııasymen kúresý bo­­­ıynsha epıdemııaǵa qarsy is-sharalarǵa qatysatyn den­saý­lyq saqtaý qyzmet­ker­le­rine bir rettik áleýmettik tó­lemdi júzege asyrý ere­­je­sin bekitý týraly» bir­les­ken buı­ry­ǵy negizinde medısına salasynyń osy aýrýdy juqtyryp alyp, aýyrǵan qyz­met­kerlerine eki mln teńge kóleminde tó­lemder berilýi kózdelgen bolatyn. Alaıda jarty jyldaı ýa­qyttan keıin, osy atalǵan bir­lesken buı­ryq­tyń kúshi Den­­saý­lyq saqtaý mınıstriniń jáne Eńbek jáne halyqty áleý­met­tik qorǵaý mı­nıstriniń 2020 jylǵy 24 qazandaǵy bir­lesken buıryǵymen joıyldy. Osy bir­lesken eki buıryqtyń arasynda qyz­met kezinde koronavırýs juqtyryp alyp, ajal tyr­naǵynan áýpirimdep aman qalǵan Iles Bekmanov ta memleket tó­leı­tin eki mln teńge tólemdi alýy kerek edi. Biraq olaı bolmady.

Nur-Sultan qalasynyń qo­ǵamdyq den­saýlyq saqtaý bas­qarmasy I.Bekma­nov­qa atalǵan buıryq negizinde bir­jol­ǵy áleýmettik tólem berýden bas tart­ty. Iles Qudaıberdiuly atamekenge áý basta О́zbekstannan kelgen aǵa­ıyn bolǵandyqtan, «Otandastar» qo­ry­­nyń Qos­tanaı oblysyndaǵy front-ofı­siniń burynǵy sarapshysy Talǵat Ahmetovke habarlasyp, jaǵdaıyn aıt­­ty. Onyń keńesimen Nur-Sultan qa­lasy Saryarqa aýdandyq sotyna talap-aryz ber­gen bolatyn. Osy sottyń sýdıasy A.Ordabaevtyń tóra­­ǵalyǵymen 2021 jyl­dyń 12 aqpanynda ótken sot oty­rysyndaǵy №7113-21-00-2/19 aza­mattyq is bo­ıynsha Nur-Sultan qa­la­lyq qo­­ǵamdyq densaýlyq saqtaý bas­qar­masynyń birlesken buıryq ne­gi­zinde birjolǵy áleýmettik tólemdi tó­lep berýinen bas tartýy týraly 2020 jyl­dyń ekinshi jeltoqsanyndaǵy №106-11-19/7159 hatyn zańsyz dep ta­nyp, I.Bekmanovtyń ta­lap-aryzyn qa­na­ǵattan­dyr­dy. Sonymen qatar Nur-Sultan qalalyq qo­ǵam­­dyq densaýlyq saqtaý bas­­qarmasyna sot sheshimi kú­shi­­ne engennen keıin bir aıdyń ishinde ótinish-aryz ıesi quqyǵynyń, zańdy múd­­deleriniń buzylýyn qalpyna keltirý mindetteldi.

Alaıda jaýapker Nur-Sultan qa­la­lyq qoǵamdyq densaýlyq saqtaý basqar­masy bul sot she­shi­mine narazy bolyp, Nur-Sultan qalalyq apellıasııalyq sot al­qasyna shaǵym túsir­di. Bıyl 13 mamyrda Nur-Sultan qalalyq aza­mattyq ister jónindegi sot alqasy №2a-2330 is boıynsha birinshi satydaǵy Nur-Sultan qala­sy Saryarqa aýdandyq so­tynyń she­shi­min ózgerissiz qal­dyryp, Nur-Sultan qalalyq qo­ǵamdyq densaýlyq saq­taý basqarmasynyń apel­lıa­sııa­lyq shaǵymyn qa­naǵat­tandyrmady. Ádil zań she­shi­mi ádi­let­tilik ornat­qan­­daı bolyp edi. Biraq sot sheshimi kúshine ense de, Nur-Sultan qalalyq qo­ǵam­dyq densaýlyq saq­taý bas­qarmasy ony áli kúnge deıin oryndaǵan joq.

I.Bekmanov elordadaǵy Sary­arqa aýdandyq prokýrory M.Shyryn­be­kov­tiń atyna QR Ákimshilik quqyq buzýshylyq týraly kodeksiniń 669-babyna sáıkes, Nur-Sultan qalalyq qoǵamdyq densaýlyq saqtaý basqarmasynyń sot sheshimin oryndamaı otyrǵan tıisti bas­shylarynyń isi jáne olardy ákim­shilik jazalaý jóninde ótinish hat jazdy. Biraq dá­rigerdi zańnyń oryndalýyn qa­daǵalaýshy organnyń isi tań­ǵaldyrdy. Prokýratýra sot sheshimine pys­qyrmaǵan qa­lalyq qo­ǵam­­dyq densaýlyq saqtaý bas­­qarmasynyń basshylaryna «munyń qalaı?» demegen syqyldy. Dárigerdiń ótinishin Densaýlyq saqtaý mı­nıstrligine qaıta joldapty. Muny qalaı túsinýge bo­­lady? Sot sheshimin jer­­­gilikti atqarýshy organ qu­la­ǵyna da ilmedi. Al zań­­nyń oryndalýyn qa­da­­­ǵa­laýshy organ – pro­ký­­ratýraǵa da sottyń she­shi­­mi mańyzdy bolmaǵany ma? Sonda ádilettik úshin kimge júginý kerek? Osyny oılap jabyrqasa da, ant­qa adal dáriger tańerteń kózin tyr­nalap ash­qannan perzenthanaǵa júgiredi. Ko­ro­navırýs qaýpi qaıyqtyń ústin­de­gideı qylpyldatqan kúnder syrǵyp ótip jatyr...

Názıra JÁRIMBET,

jýrnalıst