Qazaqstan Qarýly Kúshteriniń Áskerı polısııasy bas basqarmasy azamattardan armııadaǵy quqyq buzýshylyqtar men tártipsizdikter týraly aqparat qabyldaý úshin mobıldik qosymshasy bar askeri-senim.kz saıtyn ázirledi, dep jazady Egemen.kz QazAqparatqa silteme jasap.
Áskerı polısııa bas basqarmasynyń deregine súıensek, «Áskerı senim» jobasy armııadaǵy quqyqtyń tártipti qamtamasyz etý, habarlamalardy qabyldaý, esepke alý jáne baqylaý prosesin avtomattandyrý, quqyq buzýshylyqty jasaý faktilerine den qoıý sapasy men jedeldigin arttyrý jáne olardan saqtandyrý, aldyn alý týraly jańa aqparat kózderin engizý maqsatynda iske asyryla bastaǵan
«Paıdalanýshylar áskerı polısııa organdaryna elektrondyq formatta orny men ýaqytyna, tergeý júrgizilýine, sondaı-aq habarlanatyn málimetterdiń tolyqtyǵyna qaramastan, jasalǵan nemese jasaýǵa árekettenip jatqan kez kelgen quqyq buzýshylyq týraly tikeleı habarlamalardy joldaı alady. Saıttyń mobıldik qosymshasy da barlyq Android jáne IOS qurylǵylaryna ornatylyp, birge jumys isteıdi. Arnaıy qosymshany askeri-senim.kz saıtynan júktep alýǵa bolady», delingen QR Qorǵanys mınıstrligi taratqan habarlamada.
Qosymsha men saıtty paıdalanýshylar jeke kabınet arqyly bekitilgen jaýapty laýazymdy tulǵamen jasyryn hat almasyp, ótinishtiń qaralý statýsy men jaýaptardy baqylaı alady. О́tinish statýsynyń ózgergeni, jaýapty laýazymdy adamnyń taǵaıyndalǵany jáne onyń jaýaptary týraly ózekti derekter elektrondyq poshtaǵa kelip túsedi.