Atyraýlyq Nurlan Qýanyshev vaksına saldyryp, týǵan kúninde 200 myń teńgeni utyp aldy, dep habarlaıdy Egemen.kz.
Oblystyq densaýlyq saqtaý basqarmasynyń baspasóz qyzmetiniń aqparatyna súıensek, 11 tamyzda «Vaksına al da, aqsha utyp al» utys oıyny tórtinshi ret oınatyldy. Bul joly da 10 jeńimpaz anyqtaldy.
Jeńimpazdyń árqaısysy 200 myń teńgeniń sertıfıkatyna ıe boldy. Solardyń qatarynla Atyraý qalasynyń turǵyny Nurlan Qýanyshev ta bar. Tórt balanyń ákesi «Spýtnık V» vaksınasynyń I komponentin saldyrǵan.
«Koronavırýsqa qarsy vaksınany 6 tamyzda Atyraýdaǵy №7 qalalyq emhanada ektirgen edim. Kezdeısoqtyq pa, álde sáttilik pe, dál búgin týǵan kúnimde utys ıesi atanyp otyrmyn. Bul habardy estigen jaqyndarym da qýanyp jatyr», deıdi N.Qýanyshev.