Bıyl Atyraý oblysynda bes sýarý-sýlandyrý júıesin kúrdeli jóndeý aqıatalady, dep habarlaıdy Egemen.kz.
«Qazsýshar» RMK Atyraý fılıalynyń dırektory Aslanbek Rysjanovtyń málimetinshe, kásiporynǵa qarasty 14 sýarý-sýlandyrý júıesi komýnaldyq menshikke ótken. Mahambet aýdanyndaǵy Alǵa-Egiz, Sary-О́zek, Qursaı, 7-aýyl-Aısary, Inder aýdanyndaǵy Alǵabas-Joryq kanaldaryna kúrdeli jóndeý jumystary júrgizilip jatyr.
«Qazir atalǵan nysandardaǵy qurylys jumysy aıaqtalýǵa taıady. Kanaldar jyl aıaǵyna deıin paıdalanýǵa beriledi. Jasaqtalǵan jobaǵa sáıkes kanaldardyń bitelgen arnalary arshyldy. Kanal joldary topyraqpen kóterilip, bekitildi. Eski júzbeli nasos stansalar, transformatorlar jańasyna aýystyryldy. Sondaı-aq kanal boıyndaǵy sý rettegish gıdrotehnıkalyq qurylystar kúrdeli jóndeýden ótkizildi. Keıbireýi jańadan salyndy. Kúrdeli jóndeýden ótkizilgen kanaldarda sý berý burynǵy jyldarmen salystarǵanda biraz jaqsardy. Aýyl sharýashylyǵy taýarlaryn óndirýshilerdiń suranysyna sáıkes, sý úzdiksiz berilýde. Al nysandardyń qurylysyn tolyqtaı bitirý 2021 jyldyń aıaǵyna josparlanyp otyr», deıdi fılıal dırektory Aslanbek Rysjanov.