«Nur-Sultan qalasynyń Kólik jáne jol-kólik ınfraqurylymyn damytý basqarmasy» MM «Sh.Beısekova kóshesinen Turan dańǵylyna deıingi ýchaskedegi №27 kósheniń qurylysy» jobasyn iske asyrý sheńberinde asfaltbeton ornatady. Bul týraly qala ákimdiginiń resmı saıty habarlady, dep jazady Egemen.kz.
Osyǵan baılanysty, 15 tamyzda saǵat 08:00-den 24:00-ge deıin Turan dańǵyly men Uly dala dańǵylynyń qıylysynda avtokólik quraldary úshin qozǵalysty ishinara jabý josparlanǵan.
Sondaı-aq, vedomstvo Hýseın ben talal kóshesindegi jol tósemin jóndeý jumystary bastalǵanyn habarlady.
15-16 tamyz aralyǵynda Qabanbaı batyr dańǵylynan Turan dańǵylyna deıingi jol ishinara jabylady.
«Qala joldarynda keptelis týdyrmaý úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim surap, jóndeý jumystaryn júrgizýge túsinistikpen qaraýdy ótinemiz», dep jazady qalanyń Kólik jáne jol-kólik ınfraqurylymyn damytý basqarmasy.