Statıstıkalyq málimetke sáıkes, 2021 jyldyń qańtarynan shildesine deıin Qazaqstanda 7,2 myń jol-kólik oqıǵasy bolǵan. Bul bir jyl burynǵy kórsetkishten 14,5 paıyzǵa kóp. Elimizde bolǵan 10 jol-kólik oqıǵasynyń 3-eýi Almatyda tirkeledi, dep habarlaıdy Egemen.kz.
Bul týraly rating.kz saıty málimdedi. Joldardaǵy apat sany boıynsha Almaty óńirler arasynda kósh bastap tur. Onda eki myń jol apaty bolǵan. Qalada jazataıym oqıǵalar sany byltyrǵymen salystyrǵanda 35,9 paıyzǵa artqan. Jol-kólik oqıǵalarynyń sany boıynsha antı-kóshbasshylar qatarynda Almaty oblysy (1,3 myń jol-kólik oqıǵasy, 26,5 paıyzǵa artqan) jáne Jambyl oblysy (576 apat, 10,8 paıyzǵa artqan) bar.
Jol-kólik oqıǵasy eń az tirkelgen Soltústik Qazaqstan oblysy - 97 oqıǵa.
2021 jyldyń qańtarynan shildesine deıin Qazaqstanda 10,6 myń adam jazataıym oqıǵadan zardap shekti (jylyna 16 paıyzǵa artqan). Jaralanǵandar sany 2020 jyldyń birinshi jartyjyldyǵymen salystyrǵanda 15,8 paıyzǵa, 9,5 myń adamǵa deıin kóbeıdi.
Jol-kólik oqıǵasynan qaza bolǵandar sany byltyrǵamen salystyrǵanda birden 17,6 paıyzǵa ósip, myń adamnan asqan. 733 er adam, 284 áıel, 89 kámeletke tolmaǵandar bar.
Jol apatynan zardap shekkender sany boıynsha: Almaty (2,4 myń adam) aldyńǵy orynda, keıin Almaty oblysy (2,1 myń adam) jáne Jambyl oblysy (966 adam).