Qazgıdromet Qazaqstan boıynsha 2021 jyldyń 17-19 tamyzynda bolatyn aýa raıy boljamyn jarııalady, dep jazady Egemen.kz.
Keń kólemdi antısıklon Qazaqstan aýmaǵyna óz yqpalyn jalǵastyrady. Tek soltústikte, shyǵysta jáne ońtústik-shyǵysta frontaldyq bólikterdiń ótýimen qysqa merzimdi jańbyr, naızaǵaı, burshaq jáne ekpindi jel boljanady.
Elimizdiń basym bóliginde kún ystyq bolady dep kútilýde. Aýa temperatýrasy kúndiz soltústikte 25...32 gradýsqa deıin, ońtústik pen ońtústik-shyǵysta 25...37 gradýs, ortalyq pen shyǵysta 20...31 gradýsqa deıin kóteriledi. Iran aýdandarynan jyly jáne qurǵaq aýa massalarynyń kelýine oraı, Qazaqstannyń batysynda jaýyn-shashynsyz aýa raıy saqtalady. Temperatýranyń negizgi aıasy 32...43 gradýs ystyq bolady.