О́zbekstannyń Sýrhandarııa oblysynda Aýǵanstannyń belgisi bar ushaq qulady, dep habarlaıdy Egemen.kz.
Gazeta.uz aqparatyna sáıkes, 15 tamyz kúni keshke Aýǵanstan áýe kúshteriniń sáıkestendirý belgileri bar ushaq Sýrhandarıa oblysynyń Sherabad aýdanynda apatqa ushyrady. Ǵalamtorda apatqa ushyraǵan ushaqtyń bólikteri men zardap shekkenderdiń fotosýreti tarady.
Eldiń Qorǵanys mınıstrliginiń baspasóz qyzmeti jaǵdaıdy zerttep jatqanyn aıtty.
Gazet derekkóziniń habarlaýynsha, eki aýǵan sarbazy aýrýhanaǵa jatqyzylǵan.
Keıbir aqparat kózderiniń aıtýynsha, ushaqtaǵylar parashıýtpen sekirip úlgergen.
Aıta keteıik, 14 tamyzda О́zbekstan shekaradan ótken 84 aýǵan áskerı qyzmetshisin ýaqytsha qabyldap, olarǵa medısınalyq kómek kórsetti.