Aqtóbede balalar «GAZel» avtokóligin órtep jiberdi. Kólik tolyǵymen janyp ketti, dep habarlaıdy Egemen.kz oblystyq polısııa departamentine silteme jasap.
«О́rtti 5, 6 jáne 7 jastaǵy úsh bala shyǵardy», dep habarlady Aqtóbe oblysynyń polısııa departamentinde.
Balalar avtokóliktiń bortynda oınap, oryndyqtaǵy gýbkany órtep jibergenin túsindirdi.
Endi balalardyń buzaqylyq áreketteri úshin ata-analar jaýapkershilikke tartylatyn bolady.