17-20 qyrkúıek aralyǵynda Kókshetaýda el Táýelsizdiginiń 30 jyldyǵyna arnalǵan III aımaqtyq teatr festıvali ótedi, dep habarlaıdy Egemen.kz Aqmola oblysy ákimdiginiń ishki saıasat basqarmasyna silteme jasap
Shara Shahmet Qusaıynov atyndaǵy qazaq mýzykalyq-drama teatrynyń 25 jyldyǵy jáne «Kókshetaý - Qazaqstannyń mádenı astanasy» is-sharalar josparyn júzege asyrý aıasynda uıymdastyrylady.
Merekege Qaraǵandy, Qostanaı, Pavlodar jáne Petropavldaǵy oblystyq qazaq teatrlary qatysady.
«Bıyl Kókshetaý Qazaqstannyń mádenı astanasy bolyp jarııalandy. Jyl boıy mádenıet jáne óner uıymdary elimizdiń barlyq óńirinen Kókshetaýǵa kelip, óz jetistigin nasıhattaıdy, túrli konkýrsqa qatysady, kórme, konsert uıymdastyrady. Bul úrdisti jalǵastyra otyryp, qyrkúıek aıynda oblys ortalyǵynda aımaqtyq teatrlardyń festıvali ótedi, ol sózsiz ónerdiń naǵyz merekesine aınalady», dep atap ótti oblystyq vedomstvonyń basshysy Aıgúl Sábıtova.
Teatr festıvali oblystyq qazaq mýzykalyq drama teatrynda ótedi.