О́skemen qalasynda polısııa qyzmetkerleri psıhotroptyq zattardy satýmen aınalysqan 48 jastaǵy farmasevtti ustady, dep habarlaıdy Egemen.kz.
ShQO Polısııa departamenti baspasóz qyzmetiniń málimetine súıensek, Novatorov kóshesindegi kópqabatty úı turǵyndary dárihanada kámeletke tolmaǵandarǵa «tramadol», «tropıkamed» preparattary reseptsiz satylyp jatqandyǵy týraly aryzdanǵan.
Soǵan oraı Esirtki qylmysyna qarsy is-qımyl basqarmasynyń qyzmetkerleri satyp alýshynyń keıpine enip atalǵan dárihanaǵa bardy. Farmasevt olarǵa «tropıkamed» preparatyn 1200 teńgege satqan.
«Polısııa qyzmetkerleri 48 jastaǵy farmasevtti ustap, odan 11 dana «tropıkamed» jáne 2 «Tramadol» preparattaryn tárkiledi. Jınalǵan materıal QR ÁQBtK-niń 426-baby boıynsha dárihana ıesin ákimshilik jaýapqa tartý úshin Medısınalyq farmasevtıkalyq baqylaý komıtetiniń oblystyq departamentine joldandy», delingen aqparatta.
Jyl basynan beri óńirde farmasevtıkalyq qyzmet erejesin buzýdyń 5 faktisi anyqtalǵan. Salynǵan aıyppuldyń jalpy mólsheri – 1 805700 teńgeni qurady.