Almaty ákimi Baqytjan Saǵyntaev kúzde 300 myńǵa jýyq aǵash otyrǵyzý josparlanǵanyn aıtty, dep jazady Egemen.kz Almaty qalasy ákimdiginiń resmı saıtyna silteme jasap.
Aǵashtardy eldi mekenderdiń boıyna, negizinen Naýryzbaı men Alataý aýdandaryndaǵy Alǵabas, Shuǵyla jáne taǵy basqa turǵyn keshenderiniń aınalasyna otyrǵyzý josparlanyp otyr.
Sonymen qatar magıstraldy kóshelerdiń – Rysqulov, Abaı, ál-Farabı dańǵyldarynyń, Tımırıazev kóshesiniń boıyna otyrǵyzylady.
Úı janyndaǵy aýlalardy kógaldandyrý úshin turǵyndarmen dástúrli «Jasyl aýla» aksııasy ótedi. Barlyǵy 300 myń aǵash otyrǵyzý josparlanýda. Aıta keterligi, kóktemde 64,5 myń aǵash otyrǵyzyldy.
Jasyl jelekti kútý úshin skvajına jasalyp, sýarý júıesi tartyldy. Aǵashtardyń 80%-y avtomatty júıeniń arqasynda sýarylady.
«Jasyl Almaty» aksııasy aıasynda «Sosnovyı» skverinde, «Zapadnoe» zıratynyń boıyna, B. Momyshuly kóshesiniń boıyna 176 myńnan astam aǵash kóshetteri otyrǵyzyldy.