Qazaqstan men О́zbekstannyń aýmaǵynda farmasevtıkalyq ónerkásip ashý máselesi kún tártibinde. Bul týraly О́zbekstan Respýblıkasynyń Qazaqstandaǵy Tótenshe jáne О́kiletti elshisi Saıdıkram Nııazhodjaev málimdedi, dep habarlaıdy Egemen.kz.
«Koronavırýspen kúreste О́zbekstan men Qazaqstannyń ózara baılanysyna erekshe toqtalǵym keledi. Eki eldiń Densaýlyq saqtaý mınıstrligi indetti jeńý jolynda ózara tájirıbe almasýda. QR Densaýlyq saqtaý mınıstri О́zbekstanǵa baryp, eldegi epıdemıologııalyq jaǵdaıdy jaqsartýǵa qatysty ekijaqty keńes ótkizdi. Odan bólek, pandemııa órship turǵan sátte, baýyrlas qazaq eli ózbek baýyryna gýmanıtarlyq kómek kórsetti. Sáıkesinshe bizdiń el de COVID-19-ben kúreste Qazaqstanǵa qol ushyn sozdy. Búginde eki el arasynda atalǵan baǵytta ózara tájirıbe almasý jalǵasyp keledi. Sonyń biri qazirgi tańda О́zbekstan men Qazaqstan aýmaǵynda farmasevtıkalyq kásiporyn ashý máselesi qaralyp jatyr», dedi Saıdıkram Nııazhodjaev elordadaǵy О́zbekstan elshiliginde ótken baspasóz máslıhatynda.
Elshiniń aıtýynsha, atalǵan másele búginde ekijaqty talqyǵa salyndy.