Mal azyǵy aldyn ala daıyndalǵan, dep habarlaıdy Egemen.kz «Habar 24-ke» silteme jasap.
Pavlodar oblysynyń sharýalary qýańshylyqtan zardap shekken óńirge kómek kórsetýge bastamany ózderi kóterip otyr. Olar shópti jiberetin oryndy anyqtaýdy volontıorlerge tapsyrypty. Uıymdastyrýshylar jergilikti fermerlerdiń uıymshyldyǵyna tánti bolǵandaryn jasyrmady. Qysqa merzimde shabylǵan 250 tonna shóp jınalypty. Gýmanıtarlyq júk aýa raıynyń qolaısyzdyǵynan zardap shekken Mańǵystaý oblysyna eki aptada jetýi tıis.
«Bizdiń eriktiler vagondarǵa tıep jatqan bolsa Mańǵystaý oblysyndaǵy dál osyndaı qabyldap alatyn, ıaǵnı bólý jáne túsirý jumystarymen aınalysatyn eriktilermen tikeleı habardamyz. Ol kisilerge osyndaı shóp daıyndap jatqanymyzdy aıtqan bolatynbyz. Ol jaqta da kútip otyr», dedi volonterlerdiń aımaqtyq front-keńsesiniń jetekshisi Erkebulan Kúntýǵan.