Mańǵystaý oblysynyń aýmaǵynda TMD Terrorızmge qarsy ortalyǵynyń bastamasymen ótkiziletin «Kaspıı - Antıterror-2021» birlesken terrorızmge qarsy oqý-jattyǵýy sheńberinde Shekara qyzmeti óz bólimshelerin qaıta toptastyrýdy júrgizýde, dep jazady Egemen.kz UQK Shekara qyzmetiniń resmı saıtyna silteme jasap.
«Tehnıka leginiń qozǵalysy áskerı polısııanyń alyp júrýimen júzege asyrylady. Josparly oqý-jattyǵýlar eki kezeńde ótedi jáne 2021 jylǵy 2 qyrkúıekke deıin jalǵasady», delingen UQK Shekara qyzmetiniń baspasózi taratqan aqparatta.
Oqý-jattyǵýdyń maqsaty Táýelsiz Memleketter Dostastyǵy aýmaǵynda terrorızm aktilerin daıyndaý belgilerin anyqtaý jáne jolyn kesý kezinde kúshter men quraldardy keshendi qoldanýdy birlesip pysyqtaý.