Oralda jumysshy toǵyz qabatty úıdiń tóbesinen qulap, qaza tapty. Ǵımarattyń shatyryn jóndeý «О́ńirlerdi damytý» memlekettik baǵdarlamasy boıynsha júrgizilgeni belgili boldy, dep habarlaıdy Egemen.kz Tengrinews.kz-ke silteme jasap.
Polısııa departamenti qyryq jastaǵy er adamnyń qaıtys bolǵany týraly habarlama 21 tamyzda tańǵy 9-da túskenin aıtty.
«Er adam Qurmanǵazy kóshesindegi úıdiń toǵyzynshy qabatynan birinshi qabattyń kúnqaǵaryna qulap ketken. Ol jedel járdem kelgenge deıin qaıtys boldy. Oryn alǵan oqıǵa jazataıym oqıǵa retinde tirkeldi», dedi BQO polısııa departamentiniń resmı ókili Bolatbek Belgibekov.
BQO-nyń ebek ınspeksııasy jónindegi basqarmasynda atalǵan fakti boıynsha tergeý bastaldy. Munda jóndeýdiń bas merdigeri «Oral Qurylys Jóndeý Servıs» JShS ekeni anyqtaldy. Bul kompanııa Oraldaǵy «TKSh jańǵyrtý» baǵdarlamasynyń operatory bolyp tabylady. Seriktestik merdiger uıym retinde «Jaıyq Sıtı» JShS jaldady. Olar óz kezeginde, «Maksot» JK qosalqy merdiger uıymymen shart jasasqan.
Inspektorlar bul uıymdardyń jumysynda buzýshylyqtar anyqtalǵanyn aıtty. Olardyń aıtýynsha, qurylys uıymdarynda ishki baqylaý joq, adamdar eńbek sharttaryn jasamaı jumys isteıdi, olarǵa jeke qorǵanys quraldary berilmeıdi jáne qaýipsizdik tehnıkasy boıynsha nusqaýlyq ótkizilmeıdi.
«Maksot» JK ıesi óziniń týysyn jumysqa shaqyrdy. Ol kirpish zaýytynda jumys istedi jáne aýrýhanada boldy. Er adam qaýipsizdik tehnıkasyn buzý saldarynan qaza tapqan bolýy múmkin», dedi BQO eńbek ınspeksııasy basqarmasy basshysynyń mindetin atqarýshy Qazbek Jumagereev.
Jyl basynan beri BQO-da 54 jazataıym oqıǵa tirkeldi, onyń 36-sy óndirispen baılanysty. Jumys ornynda bes adam qaza tapty.