Ranking.kz derekteri boıynsha 2021 jylǵy qańtar-maýsym aralyǵynda elge 4,6 myń adam keldi. Bul 2020 jylǵy kórsetkishke qaraǵanda 34,9%-ǵa az, dep habarlaıdy Egemen.kz.
Álemdegi pandemııaǵa qaramastan, Qazaqstannan 14,2 myń adam shetelge ketti, bul ótken jylǵa qaraǵanda 29,3%-ǵa kóp.
«2015 jyldan bastap 2019 jylǵa deıin elden ketkenderdiń sany únemi ósip otyrdy. 2020 jyly shekaralardyń jabylýyna baılanysty bul kórsetkish tómendese de, bıyl emıgrasııanyń ósý tendensııasy qaıta jandandy», delingen zertteýde.
16 jastan 59-62 jasqa deıingi eńbekke jaramdy halyq sany 28,4%-ǵa, 3,7 myń adamǵa deıin, zeınetkerler sany 20,9%-ǵa, 519 adamǵa deıin qysqardy.
«О́ńirlerge keletin bolsaq, azamattardyń basym bóligi - 2,1 myń adam Qaraǵandy oblysynan ketti. Bul ótken jylǵy kórsetkishpen salystyrǵanda 37,5%-ǵa artyq. Ekinshi jáne úshinshi qatarda Shyǵys Qazaqstan (1,8 myń adam, 12,6%) jáne Pavlodar (1,5 myń adam, 18,8%) oblystary ornalasqan. Qyzylorda oblysynan 32 adam shetelge qonys aýdardy», dep atap ótti sarapshylar.
Qazaqstanǵa kelgender sany boıynsha Almaty qalasy kósh bastap tur. Jarty jyl ishinde ońtústik astanaǵa 866 adam keldi. Bul burynǵy kórsetkishke qaraǵanda 0,9%-ǵa artyq. Kóshbasshy óńirlerdiń úshtigine Mańǵystaý oblysy men Shymkent qalasy kiredi.