Reseı ushaqtary 25 tamyz, sársenbi kúni Aýǵanstan astanasyndaǵy Hamıd Karzaı halyqaralyq áýejaıynyń azamattyq avıasııa bólimine qondy, dep habarlaıdy Egemen.kz.
Hamıd Karzaı áýejaıyna Il-76 MD úsh áskerı kólik ushaǵy men Reseı Aeroǵaryshtyq kúshteriniń bir jolaýshylar laıneri Il-62 qondy.
Reseıdiń birqatar sheneýnikteri de evakýasııalaý jumystaryna qatysý úshin Kabýlǵa keldi.
Aýǵanstannan sheteldik kúshterdi shyǵarýǵa belgilengen merzim aıaqtalýyna óte az ýaqyt qaldy.
Sheteldikter men Aýǵanstan azamattary pasporttyq tekserýden ótkennen keıin ushaqtarmen Kabýldan evakýasııalanady.
Reseı Qorǵanys mınıstrligi buǵan deıin Pýtınniń tapsyrmasy boıynsha sársenbide Aýǵanstannan Reseı, Ýkraına, Belarýs, Tájikstan, Qyrǵyzstan men О́zbekstannyń 500 azamaty shyǵarylatynyn habarlaǵan.