Aqtóbe oblysynyń turǵyny artıllerııalyq snarıadqa kezikti, dep habarlaıdy Egemen.kz.
Polisia.kz saıty taratqan aqparat boıynsha, 23 tamyzda Hromtaý aýdandyq polısııa bólimine Tassaı aýylynyń turǵyny kelip, aýyldyń janynan artıllerııalyq snarıadqa uqsas tat basqan metall zat tabylǵanyn habarlaǵan.
Aýyl turǵyny tabylǵan snarıadty úıiniń aýlasyna súırep aparǵan. Polısııa qyzmetkerleri artıllerııalyq snarıadty tárkilep, ony joıdy.
Atalǵan fakti boıynsha QR QK 287-babynyń 3-bóligi «Qarýdy, oq-dárilerdi zańsyz ótkizý, saqtaý, tasymaldaý nemese alyp júrý» boıynsha tergeý áreketteri júrgizilýde.
Aqtóbe oblysynyń polısııa departamenti turǵyndarǵa mundaı oljalar óte qaýipti bolýy múmkin ekenin eskertedi.