Bokstan jastar arasyndaǵy Azııa chempıonatynda el qorjynyna tórt qola júlde tústi, dep habarlaıdy Egemen.kz UOK-qa silteme jasap.
Dýbaıda (BAÁ) bokstan jastar men jasóspirimder arasyndaǵy Azııa chempıonaty ótip jatyr. Qurlyqtyq birinshilik aıasynda jartylaı fınaldyq básekelerde fınalǵa shyqqan sportshylar belgili boldy.
Jartylaı fınalda qarsylasyna ese jibergen jas boksshylar Azııa chempıonatynyń qola júldesine ıe boldy.
Atap aıtqanda, uldar arasynda Qazaqstan quramasynyń sportshylary Arman Armanuly (71 keli) men Dáýren Mamyr (80 keli), al qyzdar arasynda Gúlnur Turapbaı (50 keli) men Anar Tusynbek (66 keli) qurlyqtyq birinshiliktiń qola júldegerleri atandy.