Depýtattar bastamashy bolǵan zań jobasynda janýarlar dúnıesin qorǵaý máselelerine erekshe nazar aýdarylǵan. Osyǵan oraı, Prezıdent tapsyrmasyn oryndaý aıasynda janýarlarǵa qatigezdik kórsetkeni úshin jaýapkershilik aıtarlyqtaı qatańdatylady, dep jazady Egemen.kz.
Qujatta janýarlarǵa qasaqana zııan keltirý, jaraqat salý nemese olardyń ólimine ákep soqtyrǵan áreket úshin ákimshilik jaýapkershilikti kúsheıtý kózdelgen. Mundaı quqyq buzýshylyqtar úshin aıyppul kólemi istiń aýyrlyǵyna baılanysty birneshe esege artady. Zańbuzýshylyq qaıtalansa nemese aýyr buzýshylyq bolǵan jaǵdaıda qylmystyq jaýapkershilik qatańdatylady. Májilistiń baspasóz qyzmetiniń málimetinshe, jaza retinde 2000 AEK-ke deıin aıyppul, túzeý jumystary nemese qoǵamdyq jumystarǵa tartý qarastyrylǵan.
Elimizde úı janýaryn qaraýsyz qaldyrǵandarǵa aıyppul engiziledi
Aýyrlatýshy jaǵdaılar bolsa úsh jylǵa deıingi merzimge bostandyqty shekteý nemese bas bostandyǵynan aıyrý, sonymen qatar bes jylǵa deıin belgili bir laýazymdardy atqarý nemese qyzmetpen aınalysý quqyǵynan aıyrý jáne múlkin tárkileý jazalary qoldanylýy múmkin. Budan bólek, quqyq buzýshylyq quraldaryn tárkileý jáne bolashaqta janýar asyraý quqyǵynan aıyrý sııaqty qosymsha sharalar qarastyrylǵan. Sonymen birge profılaktıka jumystary da kúsheıtiledi. Bul baǵytta balalarǵa tárbıe berý, aǵartý jumystary jáne tabıǵatqa izgilikpen qaraýdy qalyptastyrýǵa baılanysty is-sharalar ótkizý qolǵa alynady.
Janýarlar týraly zańǵa engizilgen túzetýler: derekter, sıfrlar jáne ózgeristerdiń sebepteri
Aıta keteıik, buǵan deıin Senat rezonans týdyrǵan janýarlarǵa qatysty zańdy Májiliske qaıtarǵanyn habarlaǵanbyz.