Shýchınsk qalasyndaǵy 12 adamnyń ómirin qıǵan jarylysqa qatysty is boıynsha «Plov Loft» ortalyǵynyń ıesin qamaýda ustaý merzimi uzartyldy, dep jazady Egemen.kz.
Tergeý málimetinshe, dámhana ıesi órt qaýipsizdigi talaptarynyń saqtalýyna jaýapty retinde kúdikke ilingen. Ol naýryz aıynyń basynda eki aıǵa qamaýǵa alynǵan edi. Endi onyń qamaý merzimi taǵy bir aıǵa uzartylǵan.
Sondaı-aq sáýir aıynyń sońynda bul is aıasynda avtogaz quıý stansııasynyń dırektory men gaz ballondaryn jetkizýshiniń ustalǵany habarlanǵan. Olar ballondardy toltyrý jáne jetkizý qyzmetterin kórsetý kezinde zań talaptaryn buzdy degen kúdikke ilingen. Tergeý olardyń áreketin Qylmystyq kodekstiń 306-baby 3-bóligi («Tutynýshylardyń ómiri men densaýlyǵy qaýipsizdigi talaptaryna saı kelmeıtin qyzmet kórsetý, abaısyzda eki nemese odan da kóp adamnyń densaýlyǵyna zııan keltirý jáne adam ólimine ákep soǵý») boıynsha saralaǵan. Bul bap boıynsha 8 jylǵa deıin bas bostandyǵynan aıyrý jazasy qarastyrylǵan. Sot sanksııasymen kúdiktilerdiń biri qamaýǵa alynsa, ekinshisi úıqamaqqa jiberildi.
Shýchınsktegi jarylystan zardap shekkenderdiń jaǵdaıy qalaı?
Qazir is boıynsha sotqa deıingi tergeý amaldary jalǵasyp jatyr. Sonymen qatar atalǵan oqıǵaǵa baılanysty Qylmystyq kodekstiń 292-baby 3-bóligi («О́rt qaýipsizdigi talaptaryn buzý, abaısyzda eki nemese odan da kóp adamnyń ólimine ákep soǵý») boıynsha da qylmystyq is qozǵaldy. Atalǵan bap 5 jyldan 10 jylǵa deıin bas bostandyǵynan aıyrý jazasyn kózdeıdi.
Eske salaıyq, dámhanada gaz jarylysynan keıin shyqqan órt saldarynan 9 adam qaza tapty.