Qujatqa sáıkes, endi jedel járdem kólikteri, memlekettik organdardyń avtokólikteri jáne qoǵamdyq tasymaldaýshylar jol qozǵalysy erejelerin avtomatty túrde tirkeıtin sertıfıkattalǵan qurylǵylarmen jabdyqtalady. Bul joldaǵy tártipti baqylaýdy kúsheıtip, quqyqbuzýshylyqtardyń aldyn alýǵa múmkindik beredi.
Zań jobasy júrgizýshilerdi daıarlaý júıesine de jańa talaptar engizedi. Endi avtomektepter tek arnaıy ruqsat alǵan jaǵdaıda ǵana jumys isteı alady. Ol úshin oqý ornynyń materıaldyq-tehnıkalyq bazasy, arnaıy oqý alańy, kólik quraldary jáne bilikti oqytýshylar quramy bolýy mindetti.
Qandaı jaǵdaıda jol erejesin buzý «usaq buzaqylyq» dep tanylady?
Sonymen qatar, ruqsat alǵan avtomektepterdiń memlekettik tizilimi jasalady. Ony Ishki ister mınıstrligi júrgizedi. Belgilengen talaptarǵa saı kelmegen oqý oryndary bul tizimge engizilmeıdi jáne qyzmet kórsetý quqyǵynan aıyrylady.
Jol qozǵalysy qaýipsizdigi salasynda tólenbegen aıyppuly nemese aıyppuldy tóleý týraly nusqamasy bar azamattarǵa keıbir memlekettik qyzmetterdi alý shektelýi múmkin.
Zań jobasynyń taǵy bir mańyzdy baǵyty – derbes derekterdi qorǵaý jáne kıberqaýipsizdik. Jańa normalarǵa sáıkes, jeke málimettermen jumys isteıtin operatorlar óńdeletin aqparat kólemi men qaýip deńgeıine qaraı shaǵyn, orta jáne iri sanattarǵa bólinedi. Osyǵan baılanysty olarǵa qoıylatyn talaptar da ártúrli bolady. Ásirese kóp kólemde nemese qoljetimdiligi shekteýli aqparatpen jumys isteıtin iri operatorlarǵa qatań talaptar belgilenedi.
Sondaı-aq, taralyp ketken derbes derekterdiń arnaıy tizilimi qurylmaq. Sonyń arqasynda Qazaqstan azamattary ózine qatysty qandaı málimetterdiń ashyq qoljetimdilikke shyǵyp ketkenin teksere alady. Bul azamattarǵa jeke aqparatyn qorǵaý úshin der kezinde shara qabyldaýǵa múmkindik beredi.
Astanalyq polıseıler beınekamera arqyly jol erejesin buzǵandardy anyqtady
Budan bólek, ashyq jarııalanýy mindetti qujattardaǵy jeke málimetterdi qorǵaý talaptary kúsheıtiledi. Mysaly, sot sheshimderi nemese memlekettik satyp alýǵa qatysty qujattar jarııalanǵan kezde derbes derekterdiń bir bóligi jasyrylyp, heshteý tásili qoldanylýy tıis.
Operatorlar arasynda derbes derekter almasý barysynda da aqparatty mindetti túrde shıfrlaý talaby engiziledi. Bul jeke málimetterdiń zańsyz taralý qaýpin azaıtyp, azamattardyń sıfrlyq ortadaǵy qaýipsizdigin arttyrýǵa baǵyttalǵan.