Ishki ister mınıstrligi «Qazsınk» kásipornyndaǵy jarylystyń saldaryna jáne turǵyndarǵa ótemaqy tóleý máselesine qatysty túsinikteme berdi. Vedomstvo ókilderiniń aıtýynsha, oqıǵadan keıin óńirdegi aýa sapasyna jedel ólsheýler júrgizilgen, alaıda zertteý nátıjeleri áli tolyq óńdelip jatyr. Bul týraly IIM basshysynyń orynbasary Sanjar Ádilov Májilis kýlýarynda málimdedi, dep habarlaıdy Egemen.kz.
Sanjar Ádilovtiń aıtýynsha, árbir taldaý belgili bir zerthanalyq rásimderden ótedi.
«Búgin nátıjeler daıyn bolady dep kútemin. Eger synamalarda shekti ruqsat etilgen konsentrasııadan asý faktileri anyqtalsa, tótenshe jaǵdaı saldarynan qorshaǵan ortaǵa keltirilgen zalal kólemi esepteledi», dedi ol.
О́skemendegi jarylys: Oljas Bektenov jaǵdaıdy jeke baqylaýyna aldy
Sonymen qatar ol turǵyndarǵa ótemaqy tóleý máselesi qorshaǵan ortany qorǵaý salasyndaǵy ýákiletti organnyń quzyretinde ekenin atap ótti.
Depýtat Baqytjan Bazarbektiń málimdemesinen keıin kásiporyndarǵa jospardan tys tekseris júrgizilýi múmkin be degen suraqqa jaýap bergen Ádilov mundaı sharalar Kásipkerlik kodeks talaptaryna sáıkes júzege asyrylatynyn aıtty.
«Eger depýtattardan lastaný faktilerin rastaıtyn resmı ótinish kelip tússe, aýmaqtyq bólimsheler tekserý júrgizedi. Qazirgi derekterge sáıkes, «Qazgıdromet» ólsheýlerinde zııandy zattardyń shekti ruqsat etilgen mólsherden asýy tirkelgen joq», dedi IIM ókili.
О́skemendegi jarylys: Zardap shekkenderdiń qazirgi jaǵdaıy belgili boldy
Eske salaıyq, 5 mamyr kúni tańerteń О́skemen qalasyndaǵy kásiporyn aýmaǵynda jarylys bolyp, órt shyqqan edi.
Nurbolat AMANBEK