Portýgalııalyq ataqty fýtbolshy Krıshtıaný Ronaldý týrındik «Iýventýstan» «Manchester Iýnaıted» klýbyna aýysty, dep habarlaıdy Egemen.kz.
Bul týraly aǵylshynnyń «Manchester Iýnaıted» komandasy Instagram jelisindegi paraqshasynda jarııalady. «Úıge qosh keldiń, @Cristiano», - dep qysqa ǵana mátin jazylǵan.
Eske salaıyq, Ronaldý 2018 jyldan beri týrındik «Iýventýs» sapynda oınaǵan. 36 jastaǵy portýgalııalyq shabýylshy ótken maýsymda 29 gol soǵyp, Italııa chempıonatynyń úzdik surmergeni atandy. Ronaldýdyń ıtalııalyq klýbpen kelisimsharty 2022 jyldyń 30 maýsymyna deıin eseptelgen edi.