Nur-Sultan qalasynyń bas sanıtar dárigeriniń jańa qaýlysy boıynsha turǵyndar men qala qonaqtaryna buqaralyq is-sharalarǵa qatysýǵa tyıym salyndy, dep jazady Egemen.kz.
«Nur-Sultan qalasynyń turǵyndary men qonaqtary kelesi talaptardy qatań saqtaýy kerek: - buqaralyq is-sharalarǵa, marafondar, sporttyq sharalarǵa, banket, úılený toıy, mereıtoı, eske alý sııaqty otbasylyq, eske alý is-sharalardy úıde ótkizýge jáne olarǵa qatysýǵa, sondaı-aq mıtıngiler, sherýler, jıyndar jáne t. b. uıymdastyrýǵa jáne qatysýǵa tyıym salynsyn», dep jazylǵan qujatta.
Qaýly boıynsha Ashyq jobasyna qatysatyn obektilerde eske alýdy ótkizýge ruqsat etiletini de aıtylǵan.
Sondaı-aq Ashyq jobasyna qatyspaıtyn boýlıng-ortalyqtarǵa, kompıýterlik klýbtarǵa, PlayStation klýbtaryna, bılıardqa, karaokege, batýttarǵa, túngi klýbtarǵa, býkmekerlik keńselerge jáne oıyn klýbtaryna, onyń ishinde lotereıa utys oıyny, jabyq úı-jaılardaǵy balalardyń oıyn-saýyq ortalyqtaryna, balalardyń oıyn bólmelerine, oıyn alańdary men attraksıondarǵa, sporttyq obektilerde ornalasqandardan muzdy jáne rolıkti syrǵanaqtarǵa barýǵa ruqsat etilmeıdi.
Osy qaýly 2021 jylǵy 28 tamyzda saǵat 00:00-den bastap kúshine enedi.