Jambyl oblysyndaǵy jarylysqa baılanysty elimizde Jalpyulttyq aza tutý kúni jarııalanyp, memlekettik tý tómen túsirildi, dep habarlaıdy Egemen.kz.
13 adamnyń ómirin qıǵan qaıǵyly oqıǵaǵa baılanysty 29 tamyz kúni saǵat 00:00-de elordada ornalasqan elimizdiń bas baıraǵy tómen túsirildi.
«Jambyl oblysy Baızaq aýdanyndaǵy adam ólimine ákep soqtyrǵan qaıǵyly oqıǵaǵa baılanysty 29 tamyzdy Jalpyulttyq aza tutý kúni dep jarııalaımyn. Qaza bolǵan áskerı qyzmetshiler men qutqarýshylar eren erlik pen naǵyz janqııarlyq kórsetti. Erlerimizdiń esimi el jadynda máńgi saqtalady», dedi memleket basshysy Qasym-Jomart Toqaev.
Bul el tarıhynda onynshy ret jarııalanyp otyrǵan Jalpyulttyq aza tutý kúni.
Eske sala ketsek, 26 tamyz kúni saǵat 19:00 shamasynda Jambyl oblysy, Baızaq aýdanynda áskerı bólimniń qoımasyndaǵy shyqqan órt pen jarylystar saldarynan 13 adam qaza taýyp, 98 adam jaraqat aldy.