Nıet hattamasyna qol qoıyldy

Is-shara BUU-nyń Jeneva­daǵy bólimshesiniń bas dırektory Tatıana Valovaıa men eli­mizdiń atalǵan bólimshedegi tu­raqty ókili Janar Aıt­ja­novanyń qatysýymen ótti. Taraptar Elbasy kitaphanasy men BUU bóliminiń Jenevadaǵy kitap­hanasy arasyndaǵy ynty­maqtastyq josparyn talqylap, Qazaqstan Respýblıkasynyń Tuńǵysh Prezıdenti – Elbasy kitaphanasy men BUU bóliminiń Jenevadaǵy kitaphana jáne arhıvi arasyndaǵy nıet týraly hattamasyna qol qoıdy. Qujat arhıv, tarıh salalaryndaǵy kópjaqty, halyqaralyq qarym-qatynastar men qundylyqtardy zertteýdiń yntymaqtastyǵyn, Birikken Ulttar Uıymynyń qyzmeti men Qazaqstannyń tarıhı murasyn zertteýdegi seriktestikti kózdeıdi.

Jıynda Elbasy kitap­ha­na­synyń dırektory Baqyt­jan Temirbolat: «Tuń­ǵysh Prezıdentimiz N.Á.Nazarbaev­tyń tarıhı sheshimi­niń arqa­synda Semeı ıadro­lyq polıgonyn japqan Qazaq­stan qarýsyzdaný salasy kósh­bas­shylarynyń biri bolyp mo­ıyndaldy. 2009 jyly BUU Bas Assambleıasy biraýyzdan qarar qabyldap, 29 tamyzdy Iаdrolyq synaqtarǵa qarsy is-qımyldyń halyqaralyq kúni dep jarııalady. Beıbitshilik pen jahandyq qaýipsizdikti nyǵaıtýǵa baǵyt­talǵan kóptegen basqa basta­malar sııaqty muny da Elba­sy usyndy. Onyń «Álem. HHI ǵasyr» manıfesti Bas Assam­bleıa men BUU Qaýipsizdik Keńe­si­niń resmı qujaty márte­besin aldy. Qazirgi geosaıası tu­raq­syzdyq jaǵdaıynda Qazaqstannyń bitimger jáne ıadrolyq qarýǵa tyıym salý ıdeıa­synyń avtory retinde róli zor. Bul baǵytty 2011-2013 jyldar aralyǵynda BUU Bas hat­shysynyń orynbasary já­ne Jenevadaǵy BUU Eýropa bó­limi­niń basshysy bolyp jumys is­te­gen Memleket basshymyz Q.Toqaev  jalǵastyryp keledi», dedi.

BUU-nyń Jenevadaǵy bólim­shesiniń bas dırektory Tatıana Valovaıa da Qazaq­stan­nyń ıadrolyq qarýsyzdanýǵa qos­qan úlesine toqtalyp, ózara baılanysty odan ári nyǵaı­tý­dyń mańyzdylyǵyn atap ótti.

«Qazaqstan Respýblı­ka­sy­nyń Tuńǵysh Prezıdenti – Elbasy kitaphanasymen qarym-qatynas ornatý biz úshin úlken mártebe. N.Á.Nazarbaev – HH ǵa­syr­dyń aıaǵy men HHI ǵasyrdyń basyndaǵy álemdik deńgeıdegi iri saıasatkerlerdiń biri. Onyń esimimen atalǵan mekemeniń arhıvi men kitaphanasyn kópshi­likke qoljetimdi etý – aqylmen tabylǵan oı. Búginde kitaphana – ári ǵylymı ortalyq, ári ma­ńyzdy halyqaralyq is-shara­lardyń uıytqysy. BUU Qazaq­stan Respýblıkasynyń ekijaqty yntymaqtastyqtaǵy turaqty ustanymyn jáne negizgi bastamalaryn, atap aıtqanda, qarýsyzdaný, ultaralyq jáne konfessııaaralyq dıalog qurý sııaqty ıdeıalaryn joǵary baǵalaıdy. Zertteýshilerdiń bizdiń kitaphanaǵa da, Elba­sy kitaphanasyna da qyzy­ǵý­shy­lyǵy zor», dedi T.Valovaıa. Onyń aıtýynsha, 1946 jyly Ult­tar Lıgasynyń barlyq arhıvi men basylymyn qolǵa alǵan BUU kitaphanasy men ar­hıvi qazirgi ýaqytta óz qo­ryn sıfrlandyrý boıynsha aý­qym­dy jobany júzege asyryp jatyr. Endi biregeı mate­rıaldar álemniń kez kelgen je­rindegi zertteýshilerge qol­jetimdi bolady. Búginde  BUU kitaphanasy men arhıvi qorynda 17 mıllıonnan astam kitap bar. Kezdesýde kitaphanalar arasynda elektrondy kitap almasý usynyldy.

О́z kezeginde Jenevadaǵy BUU keńsesi kitaphanasy men ar­­hıviniń dırektory Fran­­chesko Pızano bylaı dedi: «Qa­­rý­­syzdaný jáne ıadro­lyq qa­rýdy taratpaý – BUU keń­sesi ki­tap­hanasy men arhı­vi qyzme­tiniń mańyzdy baǵyt­ta­­ry­­nyń biri. Kóptegen ma­terıal, qujattar men ki­tap­tar atalǵan máselelerdi qam­­tıdy. Sondyqtan da Qa­zaq­stan Respýblıkasynyń Tuń­ǵysh Prezıdenti – Elbasy kitap­ha­na­synyń da bul máse­le­ler­men aınalysatynyna qýanyp otyrmyz. Bul ózara yn­ty­maq­tas­tyǵymyzdy nyǵaıta túsedi».

Esterińizge salsaq, osy jyl­dyń 30 tamyzy men 1 qyr­kúıegi aralyǵynda Elbasy ki­taphanasy Jeneva qalasynda halyqaralyq uıymdardyń ókilderimen birqatar is-shara men kezdesý ótti. Olardyń aıasynda jahandyq jáne aımaqtyq qaýipsizdiktiń, arhıvtik jáne tarıhı zertteýlerdiń, dıp­lomatııa men halyqaralyq qatynastardyń máselelerine qatysty yntymaqtastyqty damytýǵa baǵyttalǵan qu­jat­tarǵa qol qoıyldy. Sondaı-aq El­basy kitaphanasy Jeneva saıa­sat jáne qaýipsizdik orta­ly­ǵy yntymaqtastyq memorandýmy bekitildi.

Semeı ıadrolyq polı­go­ny jabylýynyń 30 jyl­dyǵyna jáne 29 tamyz – Iаdrolyq synaqtarǵa qarsy is-qımyldyń ha­lyqaralyq kúres kúnine oraı Jenevada «Qazaqstan – BUU: Beıbitshilik úshin seriktestik» halyqaralyq konferensııasy ótti. Konferensııa barysynda aǵylshyn tilindegi «Iаdrolyq qarýsyz álemge betburys: Elbasy bastamalary» ǵylymı jınaǵynyń tusaýkeseri boldy.