Qazaqstan Densaýlyq saqtaý mınıstrligi elde ýaqytsha tirkelgen vaksınalar tizimine Pfizer-BioNTech Comirnaty «Komırnatı» vaksınasyn qosty, dep habarlaıdy Egemen.kz.
Qazaqstan Respýblıkasy Densaýlyq saqtaý mınıstrligi janyndaǵy Medısınalyq jáne farmasevtıkalyq baqylaý komıteti «Komırnatı» vaksınasyna 8 aı merzimge ýaqytsha tirkeý kýáligin berdi.
Densaýlyq saqtaý mınıstrligi ata-anasynyń kelisimi boıynsha 12 jastan asqan balalarǵa ekpe egý josparlanǵanyn aıtty.
Bul rette departament málimetinshe, vaksınasııa áli bastalmaǵan. Naqty ýaqyty keıinirek habarlanady.
Aıta keteıik, 2021 jyldyń 1 qyrkúıegindegi málimet boıynsha, Qazaqstanda birinshi komponentti 6 669 969 adam, ekinshi komponentti 5 438 316 adam salǵyzǵan.