Koronavırýsqa qarsy ekpe alǵandardyń Covid-19-ǵa shaldyǵý yqtımaldyǵy 10 ese az. Taldaýdyń bul nátıjesin «Olımp» klınıkalyq-dıognostıkalyq zerthanasy málimdedi, dep jazady Egemen.kz.
Vaksına almaǵan pasıentterdiń 19,8%-da koronavırýsqa PTR-testi oń nátıje kórsetken. Al vaksına alǵandar ishinde koronavırýspen aýyrý deregi tek 1,8% paıyzynda kezdesedi.
«Olımp» klınıkalyq-dıagnostıkalyq zerthanasy vaksınasııalanǵan adamdardyń koronavırýspen qanshalyqty jıi aýyratynyn taldady.
2021 jyldyń tamyzynda Nur-Sultanda SARS-CoV-2 koronavırýsyna PTR-testinen 28 275 adam ótti, onyń ishinde 19 130 vaksınasııalanbaǵan jáne 9145 vaksınasııalanǵan naýqas.
Vaksınasııalanbaǵandardyń ishinde naýqastardyń 19,8%-y nemese 3782 adam koronavırýsqa PTR-testten oń nátıje aldy. Vaksınasııalanǵandardyń ishinde oń nátıje tek 1,8% nemese 167 adamnan tabyldy.
«Bul nátıjeler halyqty vaksınasııalaý áreketteriniń tıimdiligin kórsetip otyr. Bizdiń taldaý kórsetkendeı, ekpe alǵan adamdardyń koronavırýsqa shaldyǵý yqtımaldyǵy 10 ese tómen. Vaksınalar aýrýdyń aldyn alýda shynymen de tıimdi ekenine kóz jetkizip otyrmyz. О́ıtkeni koronavırýs juqtyrǵandar arasynda vaksınasııalanǵan naýqastardyń úlesi az», dedi zerthananyń bas dırektory Erlan Súleımenov.