Nur-Sultan qalasyndaǵy «Atyraý» kópiri jobasy halyqaralyq baıqaýdyń fınalısi atandy, dep habarlaıdy Egemen.kz.
Jýyrda arhıtektýra týraly ArchDaily saıty men Strelka ınstıtýty birigip ArchDaily&Strelka Award 2021 atalymyna daýys berý bastalǵanyn habarlady. Baıqaýdyń úsh fınalısi belgili boldy. Olardyń ishinde astanada salynǵan «Atyraý» kópiri de bar.
Baıqaýǵa salynǵanyna merzimi 5 jyldan aspaǵan jobalar qatysty. Birinshi týr nátıjesi boıynsha 15 joba baıqaýdyń short-paraqshasyna ilingen bolatyn. Qazaqstan atynan qatysqan jobanyń avtory – «Ýrbanıstıka ortalyǵynyń» jetekshisi, ýrbanıst, sáýletshi - Ashat Sádýov.
Atap óteıik, astananyń 20 jyldyq mereıtoıyna Atyraý oblysy elordanyń oń jáne sol jaǵalaýlaryn jalǵaıtyn kópir salyp berdi. BI Group kompanııasy onyń qurylysyn 181 kúnde aıaqtady. Nysannyń jalpy uzyndyǵy – 313,5 metr, eni – 10,5 metr.