13 qyrkúıekte Jenevada Aýǵanstandaǵy gýmanıtarlyq operasııalardy odan ári qarjylandyrý máselesi boıynsha mınıstrler keńesi ótedi, dep habarlaıdy Egemen.kz.
BUU Bas hatshysynyń ókili Stefan Dıýjarrık gýmanıtarlyq operasııalar máselesiniń Azııa eli úshin ómirlik mańyzy bar ekenin aıtty.
Dúnıejúzilik uıymnyń bas hatshysy ókiliniń aıtýynsha, Shveısarııadaǵy kezdesý Aýǵanstandaǵy gýmanıtarlyq operasııalardy qarjylandyrýdy ulǵaıtýǵa baǵyttalady.
Dıýjarrık konferensııaǵa BUU Bas hatshysy Antonıý Gýterrıshtiń de qatysatynyn atap ótti.
BUU Aýǵanstandaǵy gýmanıtarlyq operasııalardy jalǵastyrý úshin 1,3 mıllıard dollar qajet dep málimdedi, ázirge bul somanyń 39 paıyzy ǵana jınaldy.