Jaqynda Qyzylorda oblysynyń ákimi Qyrymbek Kósherbaevtyń tóraǵalyq etýimen Elbasy Nursultan Nazarbaevtyń Qazaqstan halqyna Joldaýyn talqylaýǵa arnalǵan aktıv jınalysy bolyp ótti.
Jaqynda Qyzylorda oblysynyń ákimi Qyrymbek Kósherbaevtyń tóraǵalyq etýimen Elbasy Nursultan Nazarbaevtyń Qazaqstan halqyna Joldaýyn talqylaýǵa arnalǵan aktıv jınalysy bolyp ótti.
– Endigi kezekte, biz Elbasy óz Joldaýynda aıqyndap bergen mindetterdi júzege asyrý boıynsha naqty sharalar qabyldaýymyz qajet, – dedi aımaq basshysy jıynda. – El ekonomıkasynda ishki jalpy ónimniń jyl saıynǵy ósimi 4 paıyzdan kem bolmaýy mindetteldi. Ol bıylǵy jyly 6-7 paıyzdy quraıtyn bolsa, bul baǵytta bizdiń oblys budan da joǵary kórsetkishke qol jetkizýi tıis. Maqsatty mindetterdi júzege asyrýdy osy bastan qolǵa alýymyz kerek. Elbasy 2050 jylǵa deıin eńbek ónimdiligin 5 esege arttyrýdy tapsyrdy. О́zderińiz jaqsy biletindeı, óńirimiz eńbek ónimdiligi boıynsha damyǵan memleketterden birneshe esege keıin qalyp keledi. Bul alshaqtyqty josparly jáne maqsatty túrde teńgerýge mindettimiz.
Árıne, bul bilim, ónerkásip, aýyl sharýashylyǵy jáne basqa da salalarǵa tikeleı qatysty. Osyǵan baılanysty oblys ákimi oblystyq ındýstrııalyq-ınnovasııalyq damý basqarmasynyń basshysy Murat Imandosovqa, Qyzylorda qalasy men aýdandar ákimderine kásiporyndarmen jumys jasaýda, onyń qyzmet salasyna, menshik nysanyna qaramastan, birlesip eńbek ónimdiligin kezeń-kezeńimen arttyrý máselelerin pysyqtaýdy tapsyrdy.
Oblys basshysy jıynda bilim berý salasyna da toqtaldy. Qyrymbek Kósherbaevtyń atap ótýinshe, «Balapan» baǵdarlamasy boıynsha ótken jyly 3-6 jas aralyǵyndaǵy balalardyń 80,9 paıyzy mektepke deıingi bilim berý mekemelerimen qamtylǵan. Endi 2015 jyly osy kórsetkishti 100 paıyzǵa jetkizý kerek. Oǵan múmkindik bar.
– Bilim sapasyna baılanysty naqty sheshimder qabyldanýda. Orta bilim berý salasynda jalpy bilim berý mekemelerin Nazarbaev zııatkerlik mektepteriniń deńgeıine jetkizý mindeti tur. Bizge tek jaı oqytyp qana qoımaı, sonymen birge, jeke tulǵa tárbıeleıtin mektepter de qajet, – dedi Qyrymbek Eleýuly osy jóninde. – Bizdiń bolashaǵymyz – elimizdiń qundylyqtaryn, tarıhy men salt-dástúrin, qazaq, orys jáne aǵylshyn tilderin meńgergen azamattar. Olar oı-órisi keń, ishki mádenıeti joǵary, shyǵarmashyl jáne óz betinshe oılaı alatyn jandar bolýy tıis.
Osy rette aımaq basshysy oblys ákiminiń orynbasary Aqmaral Álnazarovaǵa, oblystyq bilim basqarmasynyń basshysy Naýryzbaı Baıqadamovqa bir aı merzim ishinde muǵalimderdiń biliktiligin arttyrýdy jáne olardy úzdiksiz daıarlaýdyń júıesin engize otyryp, mektepterge maman daıarlaýdyń keshendi baǵdarlamasyn ázirleýdi tapsyrdy.
О́tken jyly oblys aýmaǵynda úsh aýysymdy mektepter máselesi tolyǵymen sheshilgen edi. Osy jıynda oblys ákimi Q.Kósherbaev: «Barlyq apattyq jaǵdaıdaǵy ǵımarattarǵa baılanysty bıýdjettik qarjylar qarastyratyn bolamyz.
– Tehnıkalyq jáne kásiptik bilim berý júıesindegi kolledjder qurylymyn qaıta qarap jatyrmyz. Endi naryq talabyna qaraı kolledjderdiń baǵdarlaryn jańa standarttar talabyna saı keltirý qajet. Mekteptiń kásiptik beıimdelýin qaıta damytý, óńirdiń qajettiligin qamtamasyz etetin mamandar daıarlaý boıynsha jumystar barynsha kúsheıtiledi», dedi.
Búginde oblystaǵy tehnıkalyq jáne kásiptik bilim beretin oqý oryndarynda dýaldy oqytý tehnologııasyn engizý baǵytynda alǵysharttar jasalyp jatyr. Osyǵan qatysty aımaq basshysy oblys ákiminiń orynbasary Aqmaral Álnazarovaǵa 1 naýryzǵa deıin dýaldy oqytýdy engizý boıynsha tıisti sharalar qabyldaýdy uıymdastyrýdy tapsyrdy.
Álimjan JARYLQAǴANOV,
jýrnalıst.
Qyzylorda.