Pavlodarda jeńil avtokólik tizgindegen mas júrgizýshi aǵashqa soǵyldy, dep habarlaıdy Egemen.kz.
«5 qyrkúıek kúni saǵat 04:00-de Pavlodar qalasyndaǵy Bakınskaıa-Sýraganov kósheleriniń qıylysynda Opel Frontera avtokóliginiń 29 jastaǵy júrgizýshisi kólikti basqara almaı, aǵashqa soǵyldy. Jol-kólik oqıǵasy saldarynan 1986 jyly týǵan jolaýshy oqıǵa ornynda kóz jumdy», dep habarlady Pavlodar oblysy polısııa departamentiniń baspasóz qyzmeti.
Júrgizýshi kólikti basqarý kezinde mas bolǵany anyqtaldy.
«Júrgizýshiniń barlyq týystary er adamnyń bul kúıde kólik júrgizetinin bildi, biraq ony eshkim toqtatqan joq», dedi baspasóz qyzmeti.
Kólik arnaıy aıyp turaǵyna jetkizildi. JKO faktisi boıynsha sotqa deıingi qylmystyq tergeý bastaldy. Al jolaýshy ómirin qıǵan mas júrgizýshi ýaqytsha ustaý ızolıatoryna qamaldy.