Kún júıesindegi planetalardyń qataryna segiz emes, toǵyz aspan denesi kirýi múmkin, 2016 jyly Kalıfornııa tehnologııalyq ınstıtýtynyń astronomdary Maık Braýn men Konstantın Batygın osyndaı málimdeme jasady, dep habarlaıdy Egemen.kz.
Astronomical Journal-dyń habarlaýynsha, bul jumbaq nysan teleskoptarǵa kórinbeıdi, biraq onyń aýyrlyq kúshi kórshi aspan deneleriniń orbıtalaryn burmalaıdy.
О́tken jyldar ishinde ǵalymdar Kún júıesiniń syrtqy bóliginde taǵy bir planetanyń belgilerin izdedi, biraq zertteýler oń nátıje kórsete almady. Jańa zertteý barysynda Braýn men Batygın H planetasynyń boljamdy orbıtasynyń kartasyn jasaǵanyn málimdedi, dep jazady «MIR 24».
«Avtorlar toǵyzynshy planeta áser etetin Koıper beldeýiniń barlyq belgili nysandarynyń orbıtalaryn zerttedi. Koıper beldeýi - Neptýn orbıtasynan tys aınalatyn muzdy deneler. Ǵalymdar bul denelerdiń orbıtalaryn jáne olardyń terbelisterin taldady, bul qýatty aýyrlyq kúshi bar birqatar úlken obektiniń bolýyn kórsetedi», delingen habarlamada.
Anyqtalǵandaı, baqylaýlar sandyq modeldeýmen birge toǵyzynshy planetanyń eń yqtımal orbıtasyn qurýǵa múmkindik berdi. Biraq ol qaı jerde ekeni belgisiz bolyp qaldy. Astronomdardyń aıtýynsha, qazirgi kezde bul jumbaq nysan kúnnen maksımaldy qashyqtyqqa ketti.
Zertteý esepteýleri boıynsha toǵyzynshy planetanyń massasy jerdiń 6,2 massasyn quraıdy. Onyń Kúnmen arasyndaǵy qashyqtyq 300-den 380 astronomııalyq birlikke deıin bolýy múmkin. Orbıtanyń kólbeýi - 16 gradýs (salystyrý úshin, jerdiń kólbeýi – 0 gradýs, Plýton – 17).