Mańǵystaý oblysynyń Bas memlekettik sanıtarııalyq dárigeriniń «Mańǵystaý oblysynyń aýmaǵynda karantındik shekteý sharalaryn qatańdatý týraly» 2021 jylǵy 27 tamyzdaǵy №19 qaýlysyna ózgerister men tolyqtyrýlar engizildi, dep jazady Egemen.kz.
Qaýlyǵa sáıkes, oblystaǵy Halyqqa qyzmet kórsetý ortalyqtary 5 kúndik jumys kestesine aýysty.
PTR synamasy teris nemese beıtarap mártebesi bar turǵyndar memlekettik qyzmetti kezeksiz alady.
Koronavırýs ınfeksııasynyń taralýyn boldyrmaý maqsatynda Halyqqa qyzmet kórsetý ortalyqtary jumys kúnderi saǵat 09:00-den 18:00-ge deıin jumys isteıdi. Senbi, jeksenbi kúnderi ortalyqtar jabyq bolady.