Mysyrda týrıster mingen avtobýs jol apatyna ushyrap, saldarynan 12 adam qaza tapty, dep habarlaıdy Egemen.kz.
Qaza tapqandardyń arasynda eki bala jáne 40-qa jýyq adam zardap shekti. Avtobýs Kaırden shyǵyp, Sharm-ál-Sheıhke bara jatqan kezde Kaır-Sýes tasjolynda aýdarylǵan.
Apattyń qalaı bolǵany belgisiz, alaıda jolaýshylar kóligi tasjoldan shyǵyp ketip, aýdarylǵany aıtylady. Sonyń saldarynan 12 adam qaza tapty. 38 adam zardap shekti, olardyń arasynda aýyr halde jatqandary bar. 30 jedel járdem kólikteri zardap shekkenderdi Sýes aýrýhanasyna jetkizdi.
Ázirge avtobýsta qaı eldiń azamattary bolǵany belgisiz. Onyń salonynda týrıster jáne jergilikti turǵyndar da bolǵany anyqtaldy.